ନୂଆଦିଲ୍ଲୀ,୨୮।୧୨: ଆସନ୍ତା ବର୍ଷ ୨୦୨୪ରେ ଟି-୨୦ ବିଶ୍ୱକପ ଖେଳାଯିବ। ଏହା ପୂର୍ବରୁ ଟିମ ଇଣ୍ଡିଆ ଜାନୁଆରୀରେ ଆଫଗାନିସ୍ତାନ ବିପକ୍ଷରେ ଶେଷ ଟି-୨୦ ସିରିଜ ଖେଳିବ। ଟିମ ଇଣ୍ଡିଆର ଦଳ ଆଫଗାନିସ୍ତାନ ବିପକ୍ଷରେ କିପରି ହେବ ତାହା ଦେଖିବାକୁ ବାକି ରହିଛି। କାରଣ ଭାରତ ପାଇଁ ଟି-୨୦ କ୍ରିକେଟ ଖେଳୁଥିବା ସୂର୍ଯ୍ୟକୁମାର ଯାଦବ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ଭଳି ଖେଳାଳି ଆହତ ହୋଇଛନ୍ତି। ଏହା ବ୍ୟତୀତ ଋତୁରାଜ ଗାଇକ୍ୱାଡ ମଧ୍ୟ ଆହତ ହେଉଛନ୍ତି। ଏଭଳି ପରିସ୍ଥିତିରେ ସଞ୍ଜୁ ସାମସନ ଆଫଗାନିସ୍ତାନ ବିପକ୍ଷରେ ସୁଯୋଗ ପାଇପାରନ୍ତି।
ଦକ୍ଷିଣ ଆଫ୍ରିକା ଗସ୍ତରେ ଖେଳାଯାଇଥିବା ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜର ଶେଷ ମ୍ୟାଚରେ ସଞ୍ଜୁ ଏକ ଚମତ୍କାର ଶତକ ହାସଲ କରିଥିଲେ। ଏହି କାରଣରୁ ତାଙ୍କୁ ଆଫଗାନିସ୍ତାନ ବିପକ୍ଷ ଟି-୨୦ ସିରିଜରେ ତାଙ୍କୁ ସୁଯୋଗ ଦିଆଯାଇପାରେ। ଏହି ସିରିଜ୍ରେ ଭଲ ପ୍ରଦର୍ଶନ କଲେ ତାଙ୍କ ଟି-୨୦ ବିଶ୍ୱକପ୍ ପାଇଁ ସୁଯୋଗ ଦିଆଯିବ। ତେଣୁ ସଞ୍ଜୁଙ୍କ ଭାଗ୍ୟ ୨୦୨୪ରେ ଚମକିବ।
ଆଫଗାନିସ୍ତାନ ବିପକ୍ଷରେ ତିନି ମ୍ୟାଚ ବିଶିଷ୍ଟ ଟି-୨୦ ସିରିଜ ଜାନୁଆରୀ ୧୧ରୁ ଖେଳାଯିବ। ଏହା ପରେ ଟିମ ଇଣ୍ଡିଆ ୨୫ ଜାନୁୟାରୀରୁ ଇଂଲଣ୍ଡ ବିପକ୍ଷରେ ଟେଷ୍ଟ ମ୍ୟାଚ ସିରିଜ ଆରମ୍ଭ କରିବ। ଏଥିପାଇଁ ବିରାଟ କୋହଲିଙ୍କ ସମେତ ଅନେକ ବରିଷ୍ଠ ଖେଳାଳି ଆଫଗାନିସ୍ତାନ ସିରିଜର ଅଂଶ ହୋଇ ନ ପାରନ୍ତି।
