ହରାରେ,୧୪।୭: ଜିମ୍ବାୱେ ବିପକ୍ଷ ପଞ୍ଚମ ଟି-୨୦ ମ୍ୟାଚରେ ଭାରତ ୧୬୭ ରନର ଟାର୍ଗେଟ୍ ଦେଇଛି। ଭାରତୀୟ ଇନିଂସ ଆରମ୍ଭରୁ ଭଲ ନଥିଲା, କିନ୍ତୁ ଉଇକେଟ କିପର ବ୍ୟାଟ୍ସମ୍ୟାନ ସଞ୍ଜୁ ସାମସନ ୪୫ ବଲରେ ୫୮ ରନ୍ର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ ଏବଂ ଭାରତର ସ୍କୋରକୁ ୧୬୦ରୁ ଅଧିକ ନେବାରେ ଏକ ଗୁରୁତ୍ୱପୂର୍ଣ୍ଣ ଅବଦାନ ରଖିଥିଲେ। ମଧ୍ୟମ ଓଭରରେ ଆସି ରିୟାନ ପରାଗ ୨୨ ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ଯଶସ୍ବୀ ଜୟସ୍ବାଲ, ଶୁବମନ ଗିଲ ଏବଂ ଅଭିଷେକ ଶର୍ମାଙ୍କ ସମେତ ଅନ୍ୟ ବ୍ୟାଟ୍ସମ୍ୟାନ୍ମାନେ ମଧ୍ୟ ଭଲ ଆରମ୍ଭ କରିଥିଲେ, କିନ୍ତୁ କେହି ବଡ଼ ଇନିଂସ ଖେଳି ପାରି ନ ଥିଲେ।
ସିରିଜର ଶେଷ ମ୍ୟାଚରେ ଜିମ୍ବାୱେ ଟସ ଜିତି ଟିମ ଇଣ୍ଡିଆକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା। ୫ ଓଭର ମଧ୍ୟରେ ଭାରତ ମାତ୍ର ୪୦ ରନରେ ୩ଟି ଟପ ଅର୍ଡର ବ୍ୟାଟ୍ସମ୍ୟାନଙ୍କ ଉଇକେଟ ହରାଇଥିଲା। ଏଭଳି ପରିସ୍ଥିତିରେ ସଞ୍ଜୁ ସାମସନ ଏବଂ ରିୟାନ ପରାଗ ଦଳର ଦାୟିତ୍ୱ ନେଇଥିଲେ ଏବଂ ଦଳର ସ୍କୋରକୁ ୧୦୦ରୁ ଅଧିକ ନେଇଥିଲେ। ଭାରତ ପାଇଁ ସବୁଠୁ ବଡ ଭାଗିଦାରୀ ସଞ୍ଜୁ ସାମସନ ଏବଂ ରିଆନ ପରାଗଙ୍କ ମଧ୍ୟରେ ହୋଇଥିଲା। ସେମାନେ ଭାବେ ୬୬ ରନ ଯୋଡିଥିଲେ। ଗୋଟିଏ ପଟେ ସାମସନ ୪୫ ବଲରେ ୫୮ ରନ୍ର କରିଥିଲେ। ଅନ୍ୟପକ୍ଷରେ ପରାଗ ୨୪ ବଲରେ ୨୨ ରନ ଯୋଗଦାନ କରିଥିଲେ।
