ବଲିଉଡ୍ କଳାକାରମାନେ ଦାମୀ ଉପହାର ଦେବାକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। ଏମାନଙ୍କ ମଧ୍ୟରେ ଜଣେ ହେଲେ ସଞ୍ଜୟ ଦତ୍ତ। ସଞ୍ଜୟ ତାଙ୍କ ସ୍ତ୍ରୀ ମାନ୍ୟତାଙ୍କୁ ଗୋଟିଏ କି ଦୁଇଟି ନୁହେଁ ୪ଟି ମୂଲ୍ୟବାନ ଫ୍ଲାଟ୍ ଉପହାର ରୂପେ ଦେଇଥିଲେ। ଏହି ୪ଟି ଫ୍ଲାଟ୍ର ମୂଲ୍ୟ ୧୦୦ କୋଟିରୁ ଊର୍ଦ୍ଧ୍ୱ ହେବ। ହେଲେ ଆଶ୍ଚର୍ଯ୍ୟର କଥା ହେଲା, ମାନ୍ୟତା ସ୍ବାମୀଙ୍କ ଏହି ଉପହାରକୁ ଫେରାଇ ଦେଇଛନ୍ତି।
ବାସ୍ତବରେ ସଞ୍ଜୟ ୨୩ ଡିସେମ୍ବର ୨୦୨୦ରେ ସ୍ତ୍ରୀ ମାନ୍ୟତାଙ୍କୁ ଏହି ୪ ଟି ଫ୍ଲାଟ୍ ଉପହାର ରୂପେ ଦେଇଥିଲେ। ସରକାରୀ ହିସାବରେ ଏହା ୨୬.୫ କୋଟି ଟଙ୍କା ହୋଇଥିବା ବେଳେ ଏହାର ବଜାର ମୂଲ୍ୟ ୧୦୦ କୋଟି ଟଙ୍କା। ତେବେ ଏହି ଉପହାରକୁ ମାନ୍ୟତା ଏକ ସପ୍ତାହ ମଧ୍ୟରେ ଅର୍ଥାତ୍ ୨୯ ଡିସେମ୍ବରରେ ଫେରାଇ ଦେଇଥିଲେ। ତେବେ ଏକ ରିପୋର୍ଟ ଅନୁଯାୟୀ, ଟିକସ ସମ୍ବନ୍ଧୀୟ କାରବାର ଯୋଗୁ ମାନ୍ୟତା ଏହି ଫ୍ଲାଟ୍କୁ ଫେରାଇ ଦେଇଥିଲେ। ସେହିପରି ଆଇନଗତ ପ୍ରତିବନ୍ଧକ ଯୋଗୁ ସେ ଏପରି ନିଷ୍ପତ୍ତି ନେଇଥିବା କୁହାଯାଉଛି।
