ରାୟପୁର,୪।୫ : ଛତିଶଗଡର ମୁଖ୍ୟମନ୍ତ୍ରୀ ଭୁପେଶ ବାଘେଲ କରିଛନ୍ତି ଆବଶ୍ୟକ ପଡ଼ିଲେ ବଜରଙ୍ଗ ଦଳ ବିରୋଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ଏବଂ ଯଦି ଜରୁରୀ ହୁଏ ତେବେ ରାଜ୍ୟରେ ସଂଗଠନ ଉପରେ ପ୍ରତିବନ୍ଧକ ଲଗାଇବାକୁ ବିଚାର କରିପାରନ୍ତି।
ତାଙ୍କର ମନ୍ତବ୍ୟ ଚଳିତ ସପ୍ତାହରେ କର୍ନାଟକରେ କଂଗ୍ରେସ ଏହାର ନିର୍ବାଚନୀ ଇସ୍ତାହାରରେ ଘୋଷଣା କରିଛି, ବିଧାନସଭା ନିର୍ବାଚନରେ ଯଦି ଦଳ କ୍ଷମତାକୁ ଆସେ ତେବେ ବଜରଙ୍ଗ ଦଳ ଭଳି ସଂଗଠନକୁ ନିଷିଦ୍ଧ କରାଯିବ।
ବାଘେଲ କହିଛନ୍ତି, କର୍ନାଟକରେ ନିଆଯାଇଥିବା ନିଷ୍ପତ୍ତି ଛତିଶଗଡରେ ଲାଗୁ ହୋଇ ନ ପାରେ କାରଣ ଉଭୟ ରାଜ୍ୟରେ ପରିସ୍ଥିତି ଭିନ୍ନ।
ବଜରଙ୍ଗ ଦଳ ଛତିଶଗଡରେ କିଛି ଅଶାନ୍ତି ସୃଷ୍ଟି କରିଥିଲେ। କିନ୍ତୁ ଆମେ ସେଗୁଡିକ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛୁ। କର୍ନାଟକ କଂଗ୍ରେସର ନିଷ୍ପତ୍ତି ଛତିଶଗଡରେ ଲାଗୁ ହେବା ଜରୁରୀ ନୁହେଁ। ଯଦି ଆବଶ୍ୟକ ହୁଏ, ଆମେ ଏହା ବିଷୟରେ ଚିନ୍ତା କରିବୁ। ଆମର ନେତା ତଥା ପାର୍ଟି ଅଫିସ ଧାରକମାନେ ସମସ୍ୟା) ଆଧାରରେ ନିଷ୍ପତ୍ତି ନେଇଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି।
ମୁଖ୍ୟମନ୍ତ୍ରୀଙ୍କ ମନ୍ତବ୍ୟ ଉପରେ ପ୍ରତିକ୍ରିୟା ପ୍ରକାଶ କରି ଛତିଶଗଡର ବରିଷ୍ଠ ନେତା ବ୍ରିଜମୋହନ ଅଗ୍ରୱାଲ କହିଛନ୍ତି, ସେମାନେ ପ୍ରଥମେ ରାମ ଜନ୍ମଭୂମି, ପରେ ରାମ ସେତୁ ପାଇଁ ପ୍ରମାଣ ମାଗିଥିଲେ ଏବଂ ବର୍ତ୍ତମାନ ସେମାନେ ବଜରଙ୍ଗ ଦଳ ଉପରେ ପ୍ରଶ୍ନ କରୁଛନ୍ତି। ଛତିଶଗଡର ଲୋକମାନେ ଏହାକୁ ବରଦାସ୍ତ କରିବେ ନାହିଁ ଏବଂ ଆସନ୍ତା ନିର୍ବାଚନରେ କଂଗ୍ରେସ ବିରୋଧରେ ଭୋଟ ଦେବେ।
