ବଲାଙ୍ଗୀର,୧୫।୩(ସୁନିଲ କୁମାର ମହାନ୍ତି ): ଶନିବାର ବଲାଙ୍ଗୀର ଜେଲ ଭିତରେ ଜଣେ କଏଦୀଙ୍କ ଝୁଲନ୍ତା ମୃତଦେହ ଜବତ ହୋଇଥିଲା। ଏହି ମାମଲାର ତଦନ୍ତ ଆରମ୍ଭ କରିଛନ୍ତି ଜେଲ ଡିଆଇଜି ଗରିବ ସାହୁ । ରବିବାର ପୂର୍ବାହ୍ନରେ ସେ ବଲାଙ୍ଗୀର ଜିଲା କାରାଗାରରେ ପହଞ୍ଚି ତଦନ୍ତ କରିଛନ୍ତି ।
ଜେଲ ଭିତରେ କିଭଳି ପରିସ୍ଥିତିରେ କଏଦୀଙ୍କ ମୃତ୍ୟୁ ହେଲା, କୌଣସି ପ୍ରକାର ଅସୁବିଧା ରହିଥିଲା କି ସେନେଇ ତଦନ୍ତ କରିଛନ୍ତି। ତଦନ୍ତ ରିପୋର୍ଟ ଜେଲ ଉପରିସ୍ଥ ଅଧିକାରୀଙ୍କୁ ଦେବେ ବୋଲି କହିଛନ୍ତି। ଶନିବାର ଭୋର ସକାଳେ ବଲାଙ୍ଗୀର କାରାଗାର ଭିତରେ ସଜା କାଟୁଥିବା କୁଶଙ୍ଗ ଗାଁର ଭୀଷ୍ମଦେବ ସାହୁଙ୍କ ଝୁଲନ୍ତା ମୃତଦେହ ଜବତ ହୋଇଥିଲା। ପରିବାର ଲୋକେ ତାଙ୍କୁ ହତ୍ୟା କରିଥିବା ଅଭିଯୋଗ ଆଣି ତଦନ୍ତ ଦାବି କରିଥିଲେ। ଏହାରି ଭିତରେ ଆଜି ଡିଆଇଜି ଜେଲକୁ ଆସି ତଦନ୍ତ କରିଛନ୍ତି ।
