ନୂଆଦିଲ୍ଲୀ,୭।୧୨:ସାହାରା ଇଣ୍ଡିଆରେ ରଖିଥିବା ଟଙ୍କା ଫେରିପାଇବାକୁ କେନ୍ଦ୍ର ସରକାରଙ୍କ ପକ୍ଷରୁ ଅଗଷ୍ଟ ୪ରେ ‘ସାହାରା ଇଣ୍ଡିଆ ରିଫଣ୍ଡ ପୋର୍ଟାଲ’ ଲଞ୍ଚ କରାଯାଇଥିଲା। ଯଦି କାହା ଟଙ୍କା ଫସି ରହିଛି ସେ ଏହି ପୋର୍ଟାଲ ଜରିଆରେ ଆବେଦନ କରିପାରିବେ। ହେଲେ ନିକଟରେ କିଛି ଲୋକଙ୍କ ପାଖକୁ ଆବେଦନ ପ୍ରକ୍ରିୟା ଭୁଲ ଥିବା ନେଇ ମେସେଜ ଆସିଛି। ଏବେ କାହାକୁ ସେଭଳି ମେସେଜ ଆସିଲେ ଚିନ୍ତା କରିବାର ନାହିଁ। ସେମାନେ ସରକାରଙ୍କ ପକ୍ଷରୁ ଜାରି କରାଯାଇଥିବା ଏକ ନୂଆ ପୋର୍ଟାଲରେ ଯାଇ ପୁଣିଥରେ ଆବେଦନ କରିପାରିବେ। ଜାଣନ୍ତୁ ସବିଶେଷ ପ୍ରକ୍ରିୟା:-
ଏସବୁ କମ୍ପାନୀରେ ଫସିରହିଥିବା ଟଙ୍କା ମିଳିବ:
ସାହାରା ଗ୍ରୁପର ୪ ସହକାରୀ ସମିତିର ଡିପୋଜିଟର୍ସ CRCS-Sahara Refund Portal ଅର୍ଥାତ https://mocrefund.crcs.gov.in/କୁ ଯାଆନ୍ତୁ। ଏହି ସହକାରୀ ସମିତିରେ ସାହାରା କ୍ରେଡିଟ୍ କୋଅପରେଟିଭ୍ ସୋସାଇଟି ଲିମିଟେଡ୍, ସାହାରାୟାନ ୟୁନିଭର୍ସାଲ ମଲ୍ଟିପର୍ପୋଜ୍ ସୋସାଇଟି ଲିମିଟେଡ୍, ହମାରା ଇଣ୍ଡିଆ କ୍ରେଡିଟ୍ କୋଅପରେଟିଭ ସୋସାଇଟି ଲିମିଟେଡ୍ ଏବଂ ଷ୍ଟାର୍ସ ମଲ୍ଟିପର୍ପୋଜ କୋଅପରେଟିଭ୍ ସୋସାଇଟି ଲିମିଟେଡ ସାମିଲ ଅଛି।
କିଭଳି କରିବେ ଆବେଦନ:
https://mocrefund.crcs.gov.in/ ଲିଙ୍କକୁ ଯାଆନ୍ତୁ
-ଏଠାରେ ରିସବ୍ମିଶନ୍ ଲଗ୍ଇନ୍ରେ କ୍ଲିକ୍ କରନ୍ତୁ।
– ଏଠାରେ ରି-ସବମିଶନ୍ ଲାଗି ୧୨ ନମ୍ବର ବିଶିଷ୍ଟ ସିଆର୍ଏନ୍(claim request number) ନମ୍ବର ଦାଖଲ କରନ୍ତୁ
-ଏହାପରେ କ୍ୟାପ୍ଚା ଦେଇ ଆଧାରକାର୍ଡର ଶେଷ ୪ ସଂଖ୍ୟା ଏବଂ ମୋବାଇଲ ନମ୍ବର ଦିଅନ୍ତୁ
-ମୋବାଇଲରେ ଆସିଥିବା ଓଟିପି ଦିଅନ୍ତୁ। ପରେ ଫର୍ମରେ ଫଟୋ ଦିଅନ୍ତୁ
-ପରେ ଆପଣଙ୍କୁ ପାନ କାର୍ଡ ନମ୍ବର ସହ ଫର୍ମ ସବ୍ମିଟ୍ କରିବାକୁ ହେବ।
-ଏହାର ୪୫ ଦିନ ମଧ୍ୟରେ ଆପଣଙ୍କୁ ଟଙ୍କା ମିଳିଯିବ
ଏସବୁ ରଖିବା ଅତ୍ୟନ୍ତ ଜରୁରୀ:
-ମେମ୍ବରଶିପ୍ ନମ୍ବର
-ଡିପୋଜିଟେଡ୍ ଆକାଉଣ୍ଟ ନମ୍ବର
-ଆଧାର ଆକ୍ଟିଭ୍ ମୋବାଇଲ ନମ୍ବର ସହ ଲିଙ୍କ ହେବା ଆବଶ୍ୟକ
-ଡିପୋଜିଟ୍ର ସାର୍ଟିଫିକେଟ/ପାସବୁକ୍ ଡିଟେଲ
କେତେ ମିଳିବ ରିଫଣ୍ଡ:
ସରକାରଙ୍କ ବୟାନ ମୁତାବକ ସାହାରା ଗ୍ରୁପ୍ର ଉକ୍ତ ୪ ସହକାରୀ ସମିତିରେ ପ୍ରାୟ ୧୦ କୋଟି ନିବେଶକଙ୍କୁ ୯ ମାସ ମଧ୍ୟରେ ଟଙ୍କା ଫେରସ୍ତ ମିଳିବ। ସୁପ୍ରିମକୋର୍ଟ ୫୦୦୦ କୋଟି ଟଙ୍କା ସାହାରା-ସେବି ରିଫଣ୍ଡ ଖାତାରୁ ସିଆର୍ସିଏସ୍କୁ ଟ୍ରାନ୍ସଫର କରିବାକୁ ଆଦେଶ ଦେଇଥିଲେ।
