ଜୟପୁର,୩।୫: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏବଂ ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ମଧ୍ୟରେ ତିକ୍ତତା ଦେଖାଦେଇଛି। ତେବେ ସଚିନ ପାଇଲଟ ଏହି ରାଜନୈତିକ କନ୍ଦଳ ମଧ୍ୟରେ ମଧ୍ୟ ମୁଖ୍ୟମନ୍ତ୍ରୀ ଗେହଲଟଙ୍କ ଜନ୍ମଦିନ ଭୁଲିନାହାଁନ୍ତି। ପାଇଲଟ ବୁଧବାର ଟୁଇଟର ମାଧ୍ୟମରେ ଗେହଲଟଙ୍କୁ ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି। ସେ କହିଛନ୍ତି, ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କୁ ଜନ୍ମଦିନର ଶୁଭେଚ୍ଛା। ଉତ୍ତମ ସ୍ବାସ୍ଥ୍ୟ ଏବଂ ଦୀର୍ଘ ଆୟୁ କାମନା କରୁଛି।
ସୂଚନାଯୋଗ୍ୟ, ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେଙ୍କ କାର୍ଯ୍ୟକାଳ ସମୟରେ ଦୁର୍ନୀତି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ ନ କରିବା ବିରୋଧରେ ପାଇଲଟ କିଛି ଦିନ ପୂର୍ବରୁ ଏକ ଦିନିଆ ଅନଶନ କରିଥିଲେ ପାଇଲଟ।
