ଭୁବନେଶ୍ୱର,୨୭।୧୦: ରାଜ୍ୟର ପ୍ରମୁଖ ଘରୋଇ ମନୋରଞ୍ଜନ ଭିତ୍ତିକ ଚ୍ୟାନେଲ ‘ଜୀ ସାର୍ଥକ’ରେ ପ୍ରସାରିତ ହେଉଥିବା ‘ସା ରେ ଗା ମା ପା ସ୍ବରର ମହାମଞ୍ଚ’ ୨ୟ ପର୍ଯ୍ୟାୟ ଶେଷ ହୋଇଛି। ଏପରିକି ସା ରେ ଗା ମା ପାରେ ଆଗକୁ ଆହୁରି ରୋମାଞ୍ଚକର ପ୍ରଦର୍ଶନ ହେବାକୁ ଯାଉଛି। ବିଶେଷକରି ନୂଆ ମୋଡ଼ରେ ସା ରେ ଗା ମା ପା ସ୍ବରର ମହାମଞ୍ଚ। କାରଣ ଆଗକୁ ହେବାକୁ ଯାଉଛି ଏଲିମିନେଶନ ରାଉଣ୍ଡ। ତା’ପରେ ଆସିବେ ନୂଆ ଚ୍ୟାଲେଞ୍ଜର ଆଉ ଦେବାକୁ ହେବ କଡ଼ା ଟକ୍କର।
ସେହିଭଳି ସଙ୍ଗୀତର ଏହି ମହାମଞ୍ଚରେ ହେବ ମହା ମୁକାବିଲା। ସାରେଗାମାପାରେ ଏଥର ଦର୍ଶକ ଦେଖିବେ ପ୍ରତିଭାମାନଙ୍କର ଧମାକାଦାର ପରିବେଷଣ। ଅପରପକ୍ଷରେ ରକ୍ଷ୍ଟାର ସାଇ ପ୍ରଜ୍ଞା, ରୋମାଣ୍ଟିକ ସ୍ପେଶିଆଲିଷ୍ଟ ସୌଜନ୍ୟା ଏବଂ ରଶ୍ମିରେଖା ଓ ଅଭିସଙ୍ଗୀତାଙ୍କ ଭଳି ମା-ଝିଅ ଯୋଡ଼ି ସେମି-କ୍ଲାସିକାଲ ଗୀତ ଗାଇ ନିଜର ସ୍ବପ୍ନକୁ ପୂରଣ କରିବା ନେଇ ଆଗକୁ ବଢ଼ିବେ ପ୍ରତିଯୋଗୀ। ସେହିପରି ଏହି ମଞ୍ଚରେ ବିଭିନ୍ନ ପ୍ରାନ୍ତରୁ ଆସିଥିବା କଳାକାରମାନଙ୍କୁ ମିଳିଛି ଭରପୂର ସୁଯୋଗ। ବର୍ତ୍ତମାନ ଆଗାମୀ ଏପିସୋଡ୍ଗୁଡ଼ିକରେ ଏହା ଦେଖିବାକୁ ମିଳିବ ଯେ ପ୍ରତିଯୋଗୀଙ୍କ ପ୍ରକୃତ ପ୍ରତିଭା। ପୂର୍ବରୁ ଏହି ମଞ୍ଚ ମାଧ୍ୟମରେ ଅନେକ କଣ୍ଠଶିଳ୍ପୀ ନିଜକୁ ପ୍ରମାଣିତ କରିସାରିଛନ୍ତି। ଏପରିକି ଦର୍ଶକଙ୍କ ଉତ୍ସାହ ଓ ଉତ୍କଣ୍ଠାକୁ ଆଖିରେ ରଖି ଏବେ ନୂଆ ପ୍ରତିଭା ଖୋଜା ମଧ୍ୟ ଚାଲିଛି। ଉଲ୍ଲେଖଯୋଗ୍ୟ, ସାରେଗାମାପା ସ୍ବରର ମହାମଞ୍ଚ ପ୍ରତି ଶନିବାର ଓ ରବିବାର ରାତି ୯ଟା ୩୦ରେ ଜୀ ସାର୍ଥକରେ ପ୍ରସାରିତ ହେଉଛି।
