କଟକ,୨୭।୯ୟୁକୋ ବ୍ୟାଙ୍କର ସହଯୋଗୀ ଅନୁଷ୍ଠାନ ୟୁକୋ ଗ୍ରାମୀଣ ଆମତ୍ନିଯୁକ୍ତି ପ୍ରଶିକ୍ଷଣ ସଂସ୍ଥା ପକ୍ଷରୁ କଟକଠାରେ ଏକ ୭ ଦିନିଆ ବିଜ୍ନେସ୍ କରେସପଣ୍ଡେନ୍ସ୍ସ ଏଜେଣ୍ଟ (ବିସିଏ) ତାଲିମ ଶିବିର ଉଦ୍ଘାଟିତ ହୋଇଯାଇଛି। ଉକ୍ତ ତାଲିମ ଶିବିରରେ ୨୨ଜଣ ସ୍ବୟଂ ସହାୟିକା ଗୋଷ୍ଠୀ (ଏସ୍ଏଚ୍ଜି)ର ସଭ୍ୟାମାନେ ଯୋଗଦେଇ ବିଭିନ୍ନ ବିଷୟରେ ଭାବ ବିନିମୟ କରିଥିଲେ। ସଂସ୍ଥାର ନିର୍ଦ୍ଦେଶକ ସୁକାନ୍ତ ଛାଟୋଇଙ୍କ ପୌରୋହିତ୍ୟରେ ଆୟୋଜିତ ଉକ୍ତ କାର୍ଯ୍ୟକ୍ରମକୁ କଟକ ଜିଲାର ଏଲ୍ଡିଏମ୍ ରାଜେଶ କୁମାର ବେହେରା ଉଦଘାଟନ କରିଥିଲେ। ଏଥିରେ ପୂର୍ବତନ ୟୁକୋ ବ୍ୟାଙ୍କ ଅଧିକାରୀ ଯୁଗଳ କିଶୋର ଦାସ, ୟୁକୋ ବ୍ୟାଙ୍କ ମର୍କତନଗର ଶାଖାର ପରିଚାଳିକା ଦେବଶ୍ରୀ ମିଶ୍ର, ଏଫ୍ଏଲ୍ସି ସତ୍ୟନାରାୟଣ ରାଉତ ପ୍ରମୁଖ ଅନ୍ୟତମ ଅତିଥି ଭାବେ ଉପସ୍ଥିତ ଥିଲେ। ଉକ୍ତ କାର୍ଯ୍ୟକ୍ରମକୁ ବରିଷ୍ଠ ପ୍ରଶିକ୍ଷକ ଅମିତ୍ କୁମାର ମହାନ୍ତି ପରିଚାଳନା କରିବା ସହ ଅନ୍ୟ କର୍ମଚାରୀମାନେ ମଧ୍ୟ ସହଯୋଗ କରିଥିଲେ।
