ବଲାଙ୍ଗୀର,୨ା୬: ବଲାଙ୍ଗୀରର ପାଟଣାଗଡ଼ ଅଂଚଳରେ ଦିବାଲୋକରେ ଏକ ଲୁଟ୍ ଘଟଣା ଘଟିଛି। ଦୁର୍ବୃତ୍ତମାନେ ସୋମବାର ରାମଜୀ ଛକ ନିକଟରେ ଜଣେ ବ୍ୟକ୍ତିଙ୍କଠାରୁ ୪ ଲକ୍ଷ ଟଙ୍କା ଝାମ୍ପି ନେଇଛନ୍ତି।
ସୂଚନା ଅନୁଯାୟୀ ବ୍ୟକ୍ତିଜଣକ ବ୍ୟାଙ୍କରୁ ଟଙ୍କା ଉଠାଇ ଘରକୁ ଫେରୁଥିବା ବେଳେ ଦୁର୍ବୃତ୍ତମାନେ ୪ ଲକ୍ଷ ଟଙ୍କା ଥିବା ଏକ ବ୍ୟାଗ୍ ଛଡ଼େଇ ନେଇଥିଲେ।
ପ୍ରାଥମିକ ସୂଚନା ଅନୁସାରେ, ଅପରାଧୀମାନେ ଏକ ମୋଟରସାଇକେଲରେ ଆସି ରାମଜୀ ଛକ ନିକଟରେ ପୀଡ଼ିତଙ୍କୁ ଟାର୍ଗେଟ କରିଥିଲେ। ସେମାନେ ଟଙ୍କା ଥିବା ବ୍ୟାଗ୍ ଛଡ଼େଇ ନେଇ ପଳାଇବାରେ ସଫଳ ହୋଇଥିଲେ।
ଘଟଣା ସମ୍ପର୍କରେ ଅଭିଯୋଗ ପରେ, ପୋଲିସ ଦୁଇ ଲୁଟେରାଙ୍କୁ ଖୋଜିବା ଓ ଗିରଫ କରିବା ସର୍ଚ୍ଚ ଅଭିଯାନ ଆରମ୍ଭ କରିଛି। ଅଧିକ ସୂତ୍ର ସଂଗ୍ରହ କରି ଅଭିଯୁକ୍ତମାନଙ୍କୁ ଯଥାଶୀଘ୍ର ଧରିବା ପାଇଁ ପ୍ରୟାସ ଜାରି ରହିଛି।
