କୋଲକାତା,୧୫ା୧୧: ଜିଏସ୍ଟି ଅଧିକାରୀମାନେ ୩୪ କୋଟିର ଇନ୍ପୁଟ୍ ଟାସ୍କ କ୍ରେଡିଟ ଠକେଇ ଠାବ କରିବାକୁ ସକ୍ଷମ ହୋଇଛନ୍ତି। ଏହି ଠକେଇରେ ୭ ଫାର୍ମ ଜଡ଼ିତ ରହିଥିବା ଅର୍ଥ ମନ୍ତ୍ରଣାଳୟ ପକ୍ଷରୁ ରବିବାର କୁହାଯାଇଛି। ଜାଲ୍ ଜିଏସ୍ଟି ଇନ୍ଭଏସ ଦ୍ୱାରା ଇନ୍ପୁଟ ଟାସ୍କ କ୍ରେଡିଟ୍ର ଲାଭ ଉଠାଇବାକୁ ଏହି ସଂସ୍ଥାଗୁଡିକ କାରସାଦି କରିଥିଲେ। ସରକାରଙ୍କୁ ଜିଏସ୍ଟି ନ ଦେଇ ସଂସ୍ଥାଗୁଡିକ ଟିକସ ଠକେଇରେ ସମ୍ପୃକ୍ତ ରହିଥିଲେ। ସିଜିଏସ୍ଟି ଟାସ୍କ କମିଶନରେଟ ନୂଆଦିଲ୍ଲୀର ଅଧିକାରୀମାନେ ଏଭଳି ଠକେଇକୁ ସାମ୍ନାକୁ ଆଣିବାକୁ ସକ୍ଷମ ହୋଇଛନ୍ତି। ୨୨୦ କୋଟି ଟଙ୍କାର ଜାଲ୍ ଇନ୍ଭଏସ ପ୍ରସ୍ତୁତ କରି ସଂସ୍ଥାଗୁଡିକ ୩୪ କୋଟି ଟଙ୍କା ଟିକସ ଫାଙ୍କିବାକୁ ବସିଥିବା ବେଳେ ଧରା ପଡିଯାଇଛନ୍ତି। ରିଷଭ ଜୈନ ନାମକ ବ୍ୟକ୍ତି ଏହି ର଼୍ୟାକେଟ୍ର ମାଷ୍ଟର ମାଇଣ୍ଡ ବୋଲି କୁହାଯାଉଛି। ର଼୍ୟାକେଟ୍କୁ ଚଳାଇବା ଲାଗି ବିଭିନ୍ନ ଜାଲ୍ କମ୍ପାନୀ ମଧ୍ୟ ଗଠନ କରାଯାଇଥିଲା।
