ନୂଆଦିଲ୍ଲୀ,୨୨।୭: ଶନିବାର ଦେଶର ୪୪ଟି ସ୍ଥାନରେ ନିଯୁକ୍ତି ମେଳା ଆୟୋଜନ କରାଯାଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି କାର୍ଯ୍ୟକ୍ରମ ସହ ଜଡିତ ହୋଇ ଏହି ସମୟରେ ସେ ଭିଡିଓ କନଫରେନ୍ସିଂ ମାଧ୍ୟମରେ ୭୦ ହଜାରରୁ ଅଧିକ ଯୁବକଙ୍କୁ ନିଯୁକ୍ତି ପତ୍ର ବଣ୍ଟନ କରିଥିଲେ। ୨୦୨୪ ଲୋକ ସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ କ୍ରମାଗତ ଭାବରେ ଜନସାଧାରଣଙ୍କୁ ଉପହାର ଦେଉଛନ୍ତି। ଏହି କ୍ରମରେ ସେ ବିଭିନ୍ନ ବିଭାଗ ଏବଂ ସଂଗଠନରେ ନିଯୁକ୍ତ ଯୁବକଙ୍କୁ ଅନଲାଇନ ନିଯୁକ୍ତି ପତ୍ର ବଣ୍ଟନ କରିଛନ୍ତି।
ଏହି ଭିଡିଓ କନଫରେନ୍ସ ସମୟରେ ପ୍ରଧାନମନ୍ତ୍ରୀ ନାମ ନ ନେଇ ଗାନ୍ଧୀ ପରିବାର ଉପରେ ଖୁବ ବର୍ଷିଥିଲେ ଏବଂ କହିଥିଲେ ଯେ ଦେଶରେ ପୂର୍ବରୁ ଏକ ଫୋନ ବ୍ୟାଙ୍କିଂ ସ୍କାମ ଥିଲା, ପୂର୍ବ ସରକାରରେ ଗୋଟିଏ ପରିବାରର ଲୋକମାନେ ବ୍ୟାଙ୍କରୁ ଋଣ ନେଉଥିଲେ। ସେ କହିଛନ୍ତି ଯେ ପୂର୍ବ ସରକାର ବ୍ୟାଙ୍କଗୁଡିକୁ କ୍ଷତି ପହଞ୍ଚାଇଥିଲେ ଏବଂ ଯେଉଁମାନେ ବ୍ୟାଙ୍କ ଲୁଟ କରିଥିଲେ ସେମାନଙ୍କ ସମ୍ପତ୍ତି ଆମେ ଜବତ କରିଛୁ।
