ନୂଆଦିଲ୍ଲୀ,୧୪।୧ : ନୋବେଲ ପୁରସ୍କାର ବିଜେତା ଅର୍ଥନୀତିଜ୍ଞ ଅମର୍ତ୍ତ୍ୟ ସେନ କହିଛନ୍ତି ଯେ ୨୦୨୪ ଲୋକସଭା ନିର୍ବାଚନରେ ଅନେକ ଆଞ୍ଚଳିକ ଦଳ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ। ସେ କହିଛନ୍ତି ଯେ ୨୦୨୪ ମସିହାରେ ଭାଜପା ଏକପାଖିଆ ଭାବେ ଜିତିବ ବୋଲି ଭାବିବା ଭୁଲ ହେବ। ଅମର୍ତ୍ତ୍ୟ ଏହା ମଧ୍ୟ କହିଛନ୍ତି ଯେ କଂଗ୍ରେସ ଅତ୍ୟନ୍ତ ଦୁର୍ବଳ ହୋଇଛି କିନ୍ତୁ ଏହାର ଶକ୍ତି ହେଉଛି ଦେଶବ୍ୟାପୀ। ଯାହା ଅନ୍ୟ କୌଣସି ଦଳର ନାହିଁ। ନୋବେଲ ବିଜେତା ଏହା ମଧ୍ୟ କହିଛନ୍ତି ଯେ ଦେଶର ପ୍ରଧାନମନ୍ତ୍ରୀ ହେବାର ଦକ୍ଷତା ତୃଣମୂଳ କଂଗ୍ରେସ(ଟିଏମସି) ମୁଖ୍ୟ ମମତା ବାନାର୍ଜୀଙ୍କର ରହିଛି।
ପିଟିଆଇ ସହ କଥାବାର୍ତ୍ତା ସମୟରେ ୯୦ ବର୍ଷ ବୟସ୍କ ଅର୍ଥନୀତିଜ୍ଞ ଆସନ୍ତା ନିର୍ବାଚନରେ ଡିଏମକେ, ଟିଏମସି ସମାଜବାଦୀ ପାର୍ଟିର ଭୂମିକା ଗୁରୁତ୍ୱପୂର୍ଣ୍ଣ ହେବ।
ସେ ତାଙ୍କ ବିବୃତ୍ତିରେ ଭାଜପା ସରକାରଙ୍କୁ ସମାଲୋଚନା କରିଆସୁଛନ୍ତି। ସେ ପୁଣି ଥରେ ଶାସକ ଦଳକୁ ଟାର୍ଗେଟ କରିଛନ୍ତି। ଭାଜପା ଭାରତର ଭିଜନକୁ ଛୋଟ କରିଛି। ଭାରତକୁ ଅଭିମୁଖ୍ୟକୁ ହ୍ରାସ କରି ଭାଜପା ଏହାକୁ କେବଳ ହିନ୍ଦୁ ଭାରତ ଏବଂ ହିନ୍ଦୀ ଭାଷାଭାଷୀ ଭାରତ ଭାବରେ ଦେଖୁଛି। ମୁଁ ଭାବୁଛି ଯଦି ବିରୋଧୀ ରାଜନୈତିକ ଦଳ ଚେଷ୍ଟା କଲେ ଭାଜପାକୁ ପରାଜିତ କରାଯାଇ ପାରିବ।
ଯେତେବେଳେ ତାଙ୍କୁ ପଚରାଗଲା ଯେ ମମତା ବାନାର୍ଜୀ ଦେଶର ପରବର୍ତ୍ତୀ ପ୍ରଧାନମନ୍ତ୍ରୀ ହୋଇପାରିବେ କି ନାହିଁ, ସେତେବେଳେ ସେ କହିଥିଲେ ଯେ ତାଙ୍କର ଦେଶର ନେତୃତ୍ୱ ନେବାର କ୍ଷମତା ଅଛି କିନ୍ତୁ ମମତା ବାନାର୍ଜୀ ଲୋକଙ୍କୁ ଏକତ୍ର କରି ପାରିବେ କି ନାହିଁ ତାହା ଦେଖିବାକୁ ହେବ। ୨୦୨୪ ରେ କଂଗ୍ରେସର ବିଜୟ ଉପରେ ସନ୍ଦେହ ବ୍ୟକ୍ତ କରି ସେ କହିଛନ୍ତି ଯେ କଂଗ୍ରେସ ଦଳ ଦୁର୍ବଳ ହୋଇଯାଇଛି। ଗୋଷ୍ଠୀବାଦ କଂଗ୍ରେସରେ ଏକ ବଡ ସମସ୍ୟା।
