ବମ୍ବେ: ବହୁ ପ୍ରତିକ୍ଷିତ ଫିଲ୍ମ ‘ସିଙ୍ଘମ ଏଗେନ୍’ର ଝଲକ ଦେଖାଇଛନ୍ତି ନିର୍ମାତା ରୋହିତ ସେଟ୍ଟୀ। ଚଳିତ ବର୍ଷ ସିନେମା ରିଲିଜ ହେବ। ଏଥିରେ ଅଭିନେତା ଅଜୟ ଦେବଗନ ଦମ୍ଦାର ଆକ୍ସନ କରୁଥିବା ନଜର ଆସିବେ। ଏହାଛଡ଼ା ନାୟିକା ଭୂମିକାରେ କରିନା କପୁରଙ୍କୁ ମଧ୍ୟ ଦେଖିବାକୁ ମିଳିବ। ଏବେ ରୋହିତ ଇନଷ୍ଟାଗ୍ରାମରେ ଫିଲ୍ମର କିଛି ଫଟୋ ଏବଂ ଭିଡିଓ ଶେୟାର କରିଛନ୍ତି। ଫଟୋଗୁଡ଼ିକରେ ଫିଲ୍ମର ଦୃଶ୍ୟ ଦେଖିବାକୁ ମିଳୁଛି। ଏହାପରଠାରୁ ପ୍ରଶଂସକଙ୍କ ଉତ୍କଣ୍ଠା ଅନେକ ଗୁଣା ବୃଦ୍ଧି ପାଇଛି।
‘ସିଙ୍ଘମ ଏଗେନ୍’ ହେଉଛି ‘ସିଙ୍ଘମ’ ଫ୍ରାଞ୍ଚାଇଜ୍ର ତୃତୀୟ ଫିଲ୍ମ। ପୂର୍ବରୁ ଦୁଇଟି ଯାକ ଫିଲ୍ମ ହିଟ୍ ସାବ୍ୟସ୍ତ ହୋଇଥିଲା। ଏବେ ସିଙ୍ଘମ ଏଗେନର ଶୁଟିଂ ହାଇଦ୍ରାବାଦରେ ହେଉଛି। ଫିଲ୍ମର କଳକାରଙ୍କ ବିଷୟରେ କହିଲେ ଅଜୟଙ୍କ ସହ କରିନା, ଅକ୍ଷୟ କୁମାର, ରଣବୀର ସିଂହ, ଦୀପିକା ପାଦ୍ୟୁକୋନ, ଟାଇଗର ଶ୍ରଫ, ରଣବିର କପୁର ନଜର ଆସିବେ। ଏହା ଅଗଷ୍ଟରେ ରିଲିଜ ହୋଇପାରେ।
View this post on Instagram
