ମୁମ୍ବାଇ,୧୧।୪ : ମହାରାଷ୍ଟ୍ର ସରକାରଙ୍କ ମନ୍ତ୍ରୀ ଚନ୍ଦ୍ରକାନ୍ତ ପାଟିଲଙ୍କ ବିବୃତ୍ତି ନେଇ ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ବର୍ତ୍ତମାନର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି ଶିନ୍ଦେ ତାଙ୍କ ପଦରୁ ଇସ୍ତଫା ଦିଅନ୍ତୁ କିମ୍ବା ସେ ତାଙ୍କ ମନ୍ତ୍ରୀ ପାଟିଲଙ୍କୁ ଇସ୍ତଫା ଦେବାକୁ କୁହନ୍ତୁ। ସୋମବାର ପାଟିଲ କହଥିଲେ, ବାବ୍ରି ମସଜିଦ ଭାଙ୍ଗିବାରେ କୌଣସି ଶିବସେନା କର୍ମୀ ଜଡିତ ନ ଥିଲେ।
ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମଙ୍ଗଳବାର ଏନେଇ କହିଛନ୍ତି , ମସଜିଦ ଭାଙ୍ଗିବା ସମୟରେ ମୂଷାମାନେ ସେମାନଙ୍କ ଗାତରେ ଲୁଚି ରହିଥିଲେ। ତାଙ୍କ ଦଳର ହିନ୍ଦୁତ୍ୱ ହେଉଛି ରାଷ୍ଟ୍ରବାଦ। ଭାଜପାକୁ ଟାର୍ଗେଟ କରି ସେ କହିଛନ୍ତି ଏହି ଦଳର ହିନ୍ଦୁତ୍ୱ କ’ଣ ତାହା ଅନ୍ୟଙ୍କୁ ବୁଝାଇବା ଉଚିତ।
୬ ଡିସେମ୍ବର ୧୯୯୨ ରେ ଯେତେବେଳେ ବଜରଙ୍ଗ ଦଳ ଏବଂ ଦୁର୍ଗା ବାହିନୀ ମସଜିଦକୁ ଭାଙ୍ଗୁଥିଲେ, ସେଠାରେ କୌଣସି ଶିବସେନା କର୍ମୀ ନ ଥିଲେ। ଶିବସେନା ପ୍ରତିଷ୍ଠାତା ସ୍ବର୍ଗତ ବାଲ ଠାକରେ ମଧ୍ୟ କହିଥିଲେ ଯେ ବିବାଦୀୟ ଢାଞ୍ଚା ଭାଙ୍ଗିବାରେ ଯଦି ତାଙ୍କର କୌଣସି ସୈନିକ ଅଂଶଗ୍ରହଣ କରନ୍ତି ତେବେ ସେ ଗର୍ବିତ ହେବେ। ପାଟିଲ କହିଛନ୍ତି ରାଜ୍ୟସଭା ଏମ୍ ପି ସଞ୍ଜୟ ରାଉତ ବାବ୍ରି ମସଜିଦ ଭାଙ୍ଗିବା କଥା କହିଛନ୍ତି। କିନ୍ତୁ ସେଦିନ ରାଉତ ମନ୍ଦିରରେ ଥିଲେ କି?
ଉଦ୍ଧବ ଠାକରେ ଶିନ୍ଦେଙ୍କୁ ବାଲାସାହେବଙ୍କ ମିଥ୍ୟା ଉତ୍ତରାଧିକାରୀ ପାଲଟି ସିନ୍ଧାନ୍ତ ଚୋରି କରିଥିବା ଅଭିଯୋଗ କରଥିଲେ। ଏନେଇ ପାଟିଲ କହିଥିଲେ ବାଲା ସାହେବ କାହାର ସମ୍ପତ୍ତି ନୁହଁନ୍ତି। ଲୋକମାନେ ତାଙ୍କୁ ସମ୍ମାନ କରୁଥିଲେ। ବାଲାସାହେବ ହେଉଛି ସମସ୍ତ ହିନ୍ଦୁଙ୍କର ସମ୍ପତ୍ତି। ସମସ୍ତେ ତାଙ୍କ ନାମ ବ୍ୟବହାର କରିପାରିବେ ।
