ଭାରତର ସବୁଠାରୁ ଧନୀ ବ୍ୟକ୍ତି ହେଉଛନ୍ତି ମୁକେଶ ଅମ୍ବାନୀ। ତାଙ୍କ ପରିବାର ବିଷୟରେ ପ୍ରତିଟି କଥା ଜାଣିବା ପାଇଁ ଲୋକେ ଚାହିଁଥାନ୍ତି। ତେଣୁ ଏହି ପରିବାରର ଜୀନଶୈଳୀକୁ ନେଇ ସବୁବେଳେ ଚର୍ଚ୍ଚା ଲାଗିରହିଥାଏ। ମୁକେଶ ଅମ୍ବାନୀଙ୍କ ଘର ଆଣ୍ଟିଲିଆ ହେଉଛି ସବୁଠାରୁ ଦାମୀ ଘର ମଧ୍ୟରୁ ଅନ୍ୟତମ। ଆଣ୍ଟିଲିଆରେ ପ୍ରାୟ ୬୦୦ କର୍ମଚାରୀ ରହିଛନ୍ତି। ମୁକେଶ ଏବଂ ସ୍ତ୍ରୀ ନୀତା ସେମାନଙ୍କ କର୍ମଚାରୀଙ୍କୁ ପରିବାରର ସଦସ୍ୟ ବୋଲି ଭାବିଥାନ୍ତି। ତେବେ ଶୁଣିଲେ ଆଶ୍ଚର୍ଯ୍ୟ ହେବେ ଯେ, ମୁକେଶଙ୍କ ଘରେ କାମ କରୁଥିବା କର୍ମଚାରୀଙ୍କ ୨ ଜଣ ପିଲା ଆମେରିକାରେ ରହି ପାଠ ପଢ଼ୁଛନ୍ତି। ଏକ ରିପୋର୍ଟ ଅନୁସାରେ, ଆଣ୍ଟିଲିଆରେ କାମ କରୁଥିବା ସମସ୍ତ କର୍ମଚାରୀଙ୍କ ଦରମା ୨ ଲକ୍ଷରୁ ଊର୍ଦ୍ଧ୍ୱ। ତାଙ୍କ ଘରର ରେଷେୟାଙ୍କ ଦରମା ମଧ୍ୟ ୨ ଲକ୍ଷରୁ ଅଧିକ। କର୍ମଚାରୀଙ୍କ ଦରମାରେ ଶିକ୍ଷା ଭତ୍ତା ଏବଂ ଜୀବନ ବୀମା ମଧ୍ୟ ରହିଥିବା କୁହାଯାଏ।
