ନୂଆଦିଲ୍ଲୀ,୨୧।୩: ରିଲାଏନ୍ସ ଇଣ୍ଡଷ୍ଟ୍ରିର ରିଲାଏନ୍ସ ରିଟେଲ୍ ଭେଞ୍ଚର୍ସ ଲିମିଟେଡ୍ (ଆର୍ଆର୍ଭିଏଲ୍) ପକ୍ଷରୁ ଅନ୍ତଃବସ୍ତ୍ର ବ୍ରାଣ୍ଡ୍ ‘କ୍ଲୋଭିଆ’ରେ ୯୫୦କୋଟି ଟଙ୍କା ନିବେଶ ସହିତ ୮୯% ଅଂଶଧନ କ୍ରୟ କରିଥିବା ଘୋଷଣା କରିଛି। ୨୦୧୩ରେ ପଙ୍କଜ ବର୍ମାନୀ, ନେହା କାନ୍ତ ଏବଂ ସୁମନ ଚୌଧୁରୀଙ୍କ ଦ୍ୱାରା ଆରମ୍ଭ ହୋଇଥିବା ‘କ୍ଲୋଭିଆ’ ଅନ୍ତଃବସ୍ତ୍ର କମ୍ପାନୀ ସହ ବ୍ୟବସାୟ ଆରମ୍ଭ କରିଥିବା ଆର୍ଆର୍ଭିଏଲ୍ ନିର୍ଦ୍ଦେଶକ ଇଶା ଅମ୍ବାନୀ କହିଛନ୍ତି ଯେ, ରିଲାଏନ୍ସ ସର୍ବଦା ବିକଳ୍ପଗୁଡ଼ିକୁ ଆଗକୁ ନେବାକୁ ସହଯୋଗ କରେ ଏବଂ ଗ୍ରାହକଙ୍କୁ ଠିକ୍ ଦାମ୍ରେ ଠିକ୍ ସେବା ତଥା ଜିନିଷ ଯୋଗାଇ ଦେଇଥାଏ। ଷ୍ଟାଇଲ୍, ଡିଜାଇନ ଭଳି ବିଶେଷତା ଉପରେ ଗୁରୁତ୍ୱ ଦେଉଥିବା କ୍ଲୋଭିଆ ସହ ଯୋଡ଼ି ହୋଇ ଆମେ ଖୁସି ଅନୁଭବ କରୁଛୁ। ଆମେ କ୍ଲୋଭିଆ ଟିମ୍ ସହ ମିଶି ବ୍ୟବସାୟକୁ ଆହୁରି ମଜଭୁତ କରିବାକୁ ଆଶା ରଖିଛୁ। ଏହାଛଡ଼ା କ୍ଲୋଭିଆ ଆର୍ଆର୍ଭିଏଲ୍ ପରିବାରର ଅଂଶ ହୋଇପାରିଥିବାରୁ ଆମେ ଉତ୍ସାହିତ ମନେ କରୁଛୁ। ଆମେ ରିଲାଏନ୍ସର ବଡ଼ ନେଟ୍ଓ୍ବର୍କ ଏବଂ ବିଶେଷଜ୍ଞମାନଙ୍କ ଦ୍ୱାରା ଆମ ବ୍ୟବସାୟକୁ ବିସ୍ତାରିତ କରିପାରିବୁ ବୋଲି କ୍ଲୋଭିଆର ସଂସ୍ଥାପକ ତଥା ସିଇଓ ପଙ୍କଜ ବର୍ମାନୀ କହିଛନ୍ତି।
