ନୂଆଦିଲ୍ଲୀ,୨୨।୮: ପେଟିଏମ୍ର ସହ ପ୍ରତିଷ୍ଠାତା ବିଜୟ ଶେଖର ଶର୍ମା ପୁଣି ଥରେ ଫିନଟେକ୍ କମ୍ପାନୀର ସିଇଓ ଏବଂ ଏମ୍ଡି ଭାବେ ନିଯୁକ୍ତ ହୋଇଛନ୍ତି। ପେଟିଏମ୍ର ପେରେଣ୍ଟ କମ୍ପାନୀ ୱାନ୍ ୯୭ କମ୍ୟୁନିକେଶନ ଲିଃ. ପକ୍ଷରୁ ଦିଆଯାଇଥିବା ସୂଚନା ଅନୁସାରେ ଏହାର ୯୯.୬୭% ଶେୟାର ହୋଲ୍ଡର ଶେଖର ଶର୍ମାଙ୍କୁ ପୁଣି ଥରେ ବା ଆଗାମୀ ୫ବର୍ଷ ପାଇଁ କମ୍ପାନୀର ଏମ୍ଡି କରିବା ପ୍ରସ୍ତାବ ପକ୍ଷରେ ଭୋଟ ଦେଇଛନ୍ତି। ଏହି ନିଷ୍ପତ୍ତି ପରେ ତାଙ୍କ କାର୍ଯ୍ୟକାଳ ୨୦୨୨ ଡିସେମ୍ବର ୧୯ରୁ ୨୦୨୭ ଡିସେମ୍ବର ୧୮ଯାଏ ରହିବ। ଏ ସମ୍ପର୍କରେ କମ୍ପାନୀ କହିଛି, ଏ ନେଇ ସମସ୍ତ ସାତ ପ୍ରସ୍ତାବ ସହ ୯୪%ରୁ ଅଧିକ ଭୋଟର ସମର୍ଥନ ଦେଇଛନ୍ତି। ଅପରପକ୍ଷରେ ଆସନ୍ତା ୩ବର୍ଷ ପାଇଁ ଶେଖର ଶର୍ମାଙ୍କ ବେତନ, କାର୍ଯ୍ୟକାରୀ ନିର୍ଦ୍ଦେଶକ, ସଭାପତି ଏବଂ ମୁଖ୍ୟ ଆର୍ଥିକ ଅଧିକାରୀ ଭାବେ ମଧୁର ଦେୱଡାଙ୍କ ପୁନଃ ନିଯୁକ୍ତି, ପ୍ରାରମ୍ଭିକ ନିବେଶକଙ୍କ ଏଲିଭେଶନ କ୍ୟାପିଟାଲର କୋ-ମ୍ୟାନେଜିଂ ପାର୍ଟନର ରବି ଆଦୁସୁମଲ୍ଲୀଙ୍କୁ କମ୍ପାନୀର ନିର୍ଦ୍ଦେଶକ ଭାବେ ନିଯୁକ୍ତି ସାମିଲ ରହିଛି। ଏପରିକି ଏଜିଏମ୍ରେ ମଧ୍ୟ ଏହା ଉପରେ ଚର୍ଚ୍ଚା ହୋଇନଥିଲା।
