ନୂଆଦିଲ୍ଲୀ,୧୨।୪: ଆଇପିଏଲ ୨୦୨୪ରେ ସୁର୍ଯ୍ୟକୁମାର ଯାଦବ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ଦ୍ୱିତୀୟ ମ୍ୟାଚ ଖେଳିଥିଲେ। ଏଥିରେ ସେ ୨୭୩.୬୮ ଷ୍ଟ୍ରାଇକ ରେଟ୍ରେ ୧୯ଟି ବଲରେ ୫୨ ରନ ସ୍କୋର କରି ଅନେକ ରେକର୍ଡ ଭାଙ୍ଗିଥିଲେ। ସିଜନର ପ୍ରଥମ ମ୍ୟାଚ୍ ସୂର୍ଯ୍ୟକୁମାର ଶୂନରେ ଆଉଟ ହୋଇଥିଲେ। କିନ୍ତୁ ଦ୍ୱିତୀୟ ମ୍ୟାଚ୍ରେ ସେ ଚମତ୍କାର ଇନିଂସ ଖେଳିଥିଲେ। ସୂର୍ଯ୍ୟଙ୍କ ବ୍ୟତୀତ ଇଶାନ କିଶନ ମଧ୍ୟ ରନ୍ ବର୍ଷା କରିଥିଲେ।
ରେକର୍ଡ ବର୍ଷା
ସୂର୍ଯ୍ୟ ମାତ୍ର ୧୭ ବଲରେ ନିଜର ଅର୍ଦ୍ଧଶତକ ପୂରଣ କରିଥିଲେ। ମୁମ୍ବାଇ ଇଣ୍ଡିଆନ୍ସ ପାଇଁ ଆଇପିଏଲରେ ଏହା ମିଳିତ ଦ୍ରୁତତମ ଅର୍ଦ୍ଧଶତକ ଥିଲା।
୧୯୦ କିମ୍ବା ତା’ଠାରୁ ଅଧିକ ରନ୍ର ଟାର୍ଗେଟକୁ ପଛରେ ପକାଇ ମୁମ୍ବାଇ ଆଇପିଏଲ ଇତିହାସରେ ଚତୁର୍ଥ ଥର ପାଇଁ ସର୍ବାଧିକ ସଂଖ୍ୟକ ବଲ ବାକି ଥାଇ ଜିତିବାର ରେକର୍ଡ ସୃଷ୍ଟି କରିଛି। ୨୦୧୪ରେ ରାଜସ୍ଥାନ ରୟାଲ୍ସ ବିପକ୍ଷରେ ୧୯୦ ରନର ଲକ୍ଷ୍ୟକୁ ପଛରେ ପକାଇ ଦଳ ୩୨ ବଲ ବାକି ଥାଇ ଜିତିଥିଲା, ଯାହା ଟୁର୍ନାମେଣ୍ଟରେ ସର୍ବାଧିକ। ବେଙ୍ଗାଲୁରୁ ବିପକ୍ଷ ମ୍ୟାଚରେ ମୁମ୍ବାଇ ୧୯୭ ବଲ ପିଛା କରିଥିଲା।
ଗତ ସିଜନରେ ମଧ୍ୟ ମୁମ୍ବାଇ ଆରସିବି ବିପକ୍ଷରେ ଏକ ଚମତ୍କାର ବିଜୟ ହାସଲ କରିଥିଲା। ୨୦୨୩ରେ ଖେଳାଯାଇଥିବା ଆଇପିଏଲରେ ୱାଙ୍ଖେଡେରେ ଖେଳି ମୁମ୍ବାଇ ୨୧ଟି ବଲ ବାକି ଥାଇ ବେଙ୍ଗାଲୁରୁ ବିପକ୍ଷରେ ୨୦୦ ରନ୍ର ଟାର୍ଗେଟକୁ ପିଛା କରିଥିଲା।
ୱାଙ୍ଖେଡେ ଷ୍ଟାଡିୟମରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର କ୍ରମାଗତ ଷଷ୍ଠ ପରାଜୟ। ୱାଙ୍ଖେଡେରେ ମୁମ୍ବାଇ ବିପକ୍ଷରେ ବେଙ୍ଗାଲୁରୁର ଶେଷ ବିଜୟ ୨୦୧୫ରେ ହୋଇଥିଲା।
ସୂଚନାଯୋଗ୍ୟ ଯେ, ମ୍ୟାଚରେ ଆରସିବି ପ୍ରଥମେ ବ୍ୟାଟିଂ କରି ୨୦ ଓଭରରେ ବୋର୍ଡରେ ୮ ଉଇକେଟ ନେଇ ୧୯୬ ରନ ସଂଗ୍ରହ କରିଥିଲା। ଦଳ ପାଇଁ ଅଧିନାୟକ ଫାଫ ଡୁ ପ୍ଲେସିସ ୪ଟି ଚୌକା ଓ ୩ ଛକା ସହାୟତାରେ ୪୦ ବଲରେ ୬୧ ରନ ସଂଗ୍ରହ କରିଥିଲେ। ତା’ପରେ ଟାର୍ଗେଟକୁ ପଛରେ ପକାଇ ମୁମ୍ବାଇ ଇଣ୍ଡିଆନ୍ସ ୧୫.୩ ଓଭରରେ ୩ ଉଇକେଟ ନେଇ ଜିତିଥିଲା।
