ନୂଆଦିଲ୍ଲୀ: ଦେଶରେ ପ୍ରତିଦିନ ବ୍ୟାଙ୍କ ଠକେଇ ଓ ଜାଲିଆତି ଭଳି ଘଟଣା ଘଟୁଛି। ସେହିଭଳି ବ୍ୟାଙ୍କଗୁଡିକ ମଧ୍ୟ ଆଇନ ଭିତରେ ରହି କାରବାର କରିବାକୁ ବିଭିନ୍ନ ସମୟରେ କୁହାଯାଇଛି। ଏହା ସତ୍ତ୍ୱେ ମଧ୍ୟ କିଛି ବ୍ୟାଙ୍କ ନିୟମ ଉଲ୍ଲଂଘନ ସହ ବେଆଇନ କାର୍ଯ୍ୟ କରୁଛନ୍ତି। ଭାରତୀୟ ରିଜର୍ଭ ବ୍ୟାଙ୍କ (ଆର୍ବିଆଇ) ର ନିୟମ ଉଲ୍ଲଂଘନ କରିବା ଯୋଗୁ ନିକଟରେ ୩ ଘରୋଇ ବ୍ୟାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଯେଉଁ ୩ଟି ବ୍ୟାଙ୍କ ବିରୋଧରେ ରିଜର୍ଭ ବ୍ୟାଙ୍କ କାର୍ଯ୍ୟାନୁଷ୍ଠାନ ଗ୍ରହଣ କରିଛି, ସେଗୁଡ଼ିକ ହେଲା ମୋଗାଭୀରା କୋ-ଅପରେଟିଭ ବ୍ୟାଙ୍କ ଲିମିଟେଡ୍, ଇନ୍ଦାପୁର ଅର୍ବାନ କୋ-ଅପରେଟିଭ ବ୍ୟାଙ୍କ ଓ ବାରାମତୀ ସହକାରୀ ବ୍ୟାଙ୍କ ଲିମିଟେଡ୍। ନିୟମ ଉଲ୍ଲଂଘନ ଯୋଗୁ କେନ୍ଦ୍ରୀୟ ବ୍ୟାଙ୍କ ଉକ୍ତ ୩ ଟି ବ୍ୟାଙ୍କକୁ ପ୍ରାୟ ୨୩ ଲକ୍ଷ ଟଙ୍କା ଜରିମାନା ଦେବାକୁ ନିର୍ଦ୍ଦେଶ ଦେଇଛି। ମୋଗାଭୀରାକୁ ସର୍ବାଧିକ ୧୨ ଲକ୍ଷ ଜରିମାନା ହୋଇଥିବା ବେଳେ ଇନ୍ଦାପୁର ଅର୍ବାନ କୋ-ଅପରେଟିଭକୁ ୧୦ ଲକ୍ଷ ଏବଂ ବାରାମତୀ ସହକାରୀ ବ୍ୟାଙ୍କକୁ ଏକ ଲକ୍ଷ ଟଙ୍କାର ଜରିମାନା ଦେବକୁ କୁହାଯାଇଛି। ଏହି ୩ଟି ବ୍ୟାଙ୍କ ଭାରତୀୟ ରିଜର୍ଭ ବ୍ୟାଙ୍କର ଗାଇଡ୍ଲାଇନ ଉଲ୍ଲଂଘନ କରିଥିବା ସୂଚନା ମିଳିଛି। ଏହା ପୂର୍ବରୁ ମଧ୍ୟ ଆର୍ବିଆଇ ଅନେକ ବ୍ୟାଙ୍କକୁ ଜରିମାନା ସହ କଟକଣା ଲଗାଇଥିବା ଜଣାପଡିଛି।
