ମୁମ୍ବାଇ: ବ୍ୟକ୍ତିଗତ ଡାଟା ସୁରକ୍ଷା ସପକ୍ଷରେ ରିଜର୍ଭ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦ୍ଦେଶକ ଟି. ରବିଶଙ୍କର ନିଜର ମତ ରଖିଛନ୍ତି। ବ୍ୟକ୍ତିଗତ ଡାଟାର ସୁରକ୍ଷା ଲାଗି ଆଇନକୁ କଡ଼ାକଡ଼ି କରିବା ନେଇ ସେ ଜୋର ଦେଇଛନ୍ତି। ଏହା ହୋଇପାରିଲେ ପ୍ରଭେସିକୁ ନିଶ୍ଚିତ କରାଯାଇପାରିବ। ପ୍ରିଭେସି ସମ୍ବିଧାନ ଅଧୀନରେ ରହିଥିବାରୁ ବ୍ୟକ୍ତିଗତ ଡାଟା ସୁରକ୍ଷା ଜରୁରୀ ବୋଲି ସେ କହିଛନ୍ତି। କୌଣସି ନିୟାମକ ଅଧୀନରେ ନ ଆଣି ଡାଟା ସୁରକ୍ଷାକୁ ଆଇନ ସମ୍ମତ କରିବା ଉପରେ ସେ ମତ ଦେଇଛନ୍ତି। ଆସନ୍ତା ବର୍ଷ ବଜେଟରେ ସରକାର ବ୍ୟକ୍ତିଗତ ଡାଟା ସୁରକ୍ଷା ବିଲ୍ ଆଣିବାକୁ ଯାଉଛନ୍ତି। ଏହା କାର୍ଯ୍ୟକାରୀ ହେଲେ ଲୋକଙ୍କର ବ୍ୟକ୍ତିଗତ ଡାଟା ବିନା ଅନୁମତିରେ ବ୍ୟବହାର ହୋଇ ପାରିବ ନାହିଁ। ଡାଟା ସୁରକ୍ଷା କ୍ଷେତ୍ରରେ ରହିଥିବା ଚ୍ୟାଲେଞ୍ଜକୁ ବୁଝିବାକୁ ପଡିବ ବୋଲି ସେ ମତ ଦେଇଛନ୍ତି।
