ବ୍ୟାଙ୍କିଙ୍ଗ୍‌ ଠକେଇ ରୋକିବ ‘ରାପିଡ୍‌ ଆଲର୍ଟ ସିଷ୍ଟମ’

ଭୁବନେଶ୍ୱର,୫।୧୨(ଅନୁରାଧା ମହାରଣା):ଡିଜିଟାଲ ବ୍ୟାଙ୍କିଂର ବ୍ୟବହାର ବୃଦ୍ଧି ସହିତ ବ୍ୟାଙ୍କିଙ୍ଗ ଠକେଇ ଘଟଣା ମଧ୍ୟ ଦ୍ରୁତ ଗତିରେ ବଢ଼ିବାରେ ଲାଗିଛି। ତେବେ ଏପରି ଠକେଇ ମାମଲାକୁ ନିୟନ୍ତ୍ରଣ କରିବା ପାଇଁ ସରକାର ବର୍ତ୍ତମାନ ବିଭିନ୍ନ ପଦକ୍ଷେପ ଗ୍ରହଣ କରିବା ସହ ନୂଆ ପ୍ରସ୍ତାବ ଉପରେ ବିଚାର କରୁଛନ୍ତି। ବିଶେଷକରି ୟୁପିଆଇ ମାଧ୍ୟମରେ ହେଉଥିବା ଠକେଇ କ୍ଷେତ୍ରରେ ସରକାର ଅନେକ ପ୍ରସ୍ତାବ ଗ୍ରହଣ କରିଛନ୍ତି, ଯାହା ଖୁବ୍‌ଶୀଘ୍ର କାର୍ଯ୍ୟକାରୀ ହୋଇପାରେ। ଅର୍ଥ ମନ୍ତ୍ରଣାଳୟ ସୂତ୍ରରୁ ପ୍ରକାଶ ଯେ, ଏକ ନିର୍ଦ୍ଦିଷ୍ଟ ସୀମାଠାରୁ ଅଧିକ ଡିଜିଟାଲ ପେମେଣ୍ଟ ପାଇଁ ରାପିଡ୍‌ ଆଲର୍ଟ ସିଷ୍ଟମ ଲାଗୁ ହେବ, ଯାହା ଠକେଇଜନିତ ସତର୍କ ସୂଚନା ଦେବ। ୫୦୦୦ରୁ ଅଧିକ ଟଙ୍କା ଡିଜିଟାଲ ପେମେଣ୍ଟ ପାଇଁ ବ୍ୟାଙ୍କ ଏବଂ ଅନ୍ୟାନ୍ୟ ଆର୍ଥିକ ପ୍ରତିଷ୍ଠାନ ଏହି ବ୍ୟବସ୍ଥା ଲାଗୁ କରିପାରିବେ। କେବଳ ନୂଆ କାରବାର କ୍ଷେତ୍ରରେ ଏହି ସତର୍କତା ସମ୍ପୂର୍ଣ୍ଣ ରୂପେ କାର୍ଯ୍ୟକାରୀ ହେବ। ଏହି ଆଲର୍ଟ ସିଷ୍ଟମ ଅନୁସାରେ, ଯେତେବେଳେ ଜଣେ ଉପଭୋକ୍ତା ପ୍ରଥମଥର ପାଇଁ ୟୁପିଆଇ ମାଧ୍ୟମରେ ୫୦୦୦ରୁ ଅଧିକ ଟଙ୍କା ଅନ୍ୟ କେଉଁ ଆକାଉଣ୍ଟକୁ ଟ୍ରାନ୍ସଫର କରନ୍ତି, ସେ ଦେୟ ଆରମ୍ଭ କରିବା ମାତ୍ରେ ଏକ ଯାଞ୍ଚ ମେସେଜ୍‌ କିମ୍ବା କଲ୍‌ ପାଇବେ। ଆକାଉଣ୍ଟରୁ ଟଙ୍କା ଡେବିଟ ହେବା ପୂର୍ବରୁ ଏହି ଯାଞ୍ଚ ମେସେଜ୍‌ ବା କଲ୍‌ ଆସିବ। ଯାଞ୍ଚ ପରେ ହିଁ ତାଙ୍କ ଆକାଉଣ୍ଟରୁ ଟଙ୍କା କଟିବ। ତେବେ ଏଥିରେ ସନ୍ଦେହ ହେଲେ ପେମେଣ୍ଟ ସ୍ବୟଂଚାଳିତ ଭାବରେ ଅଟକି ରହିବ। ତେବେ ଅର୍ଥ ମନ୍ତ୍ରଣାଳୟର ଅଧିକାରୀମାନେ କହିଛନ୍ତି ଯେ, ବହୁ ଆର୍ଥିକ ସଂସ୍ଥା ବଡ଼ କାରବାର ପାଇଁ ଏଭଳି ଆଲର୍ଟ ସିଷ୍ଟମ ପରୀକ୍ଷାମୂଳକ ଭାବେ ବ୍ୟବହାର କରିସାରିଛନ୍ତି। ଅନ୍ୟପଟେ ୟୁପିଆଇ ଦେୟ ମାମଲାରେ ସରକାର ସମୟ ସୀମା ଧାର୍ଯ୍ୟ କରିପାରନ୍ତି। ଏହା ଅଧୀନରେ ନୂତନ ଉପଭୋକ୍ତା କିମ୍ବା ବିକ୍ରେତା ଯୋଡି ହେବାପରେ ଅତିକମ୍‌ରେ ୪ ଘଣ୍ଟା ପରେ ଦେୟ ଦେବା ସମ୍ଭବ ହେବ ବୋଲି ଯୋଜନା ରହିଛି। ତେବେ ସର୍ବନିମ୍ନ ସମୟ ସୀମା କିମ୍ବା ରାପିଡ୍‌ ଆଲର୍ଟ ସିଷ୍ଟମକୁ କେନ୍ଦ୍ର ସରକାର ଏପର୍ଯ୍ୟନ୍ତ ଚୂଡ଼ାନ୍ତ ଅନୁମୋଦନ ଦେଇ ନ ଥିବା ଜଣାପଡିଛି।
ବ୍ୟାଙ୍କିଙ୍ଗ ଠକେଇକୁ ନେଇ ସରକାର ପୂର୍ବରୁ ଅନେକ କଡ଼ା ପଦକ୍ଷେପ ଗ୍ରହଣ କରିଛନ୍ତି। ଏହିକ୍ରମରେ ଲକ୍ଷ ଲକ୍ଷ ମୋବାଇଲ ନମ୍ବର ପ୍ରାରମ୍ଭିକ ପଦକ୍ଷେପ ଭାବରେ ଅବରୋଧ କରାଯାଇଛି। ଆର୍ଥିକ ସେବା ସଚିବ ବିବେକ ଯୋଶୀ ବ୍ୟାଙ୍କ ଅଧିକାରୀଙ୍କ ସହ ଆଲୋଚନା କରିବା ପରେ କହିଛନ୍ତି, ସନ୍ଦେହଜନକ କାରବାରରେ ଜଡିତ ଥିବାରୁ ସରକାର ୭୦ ଲକ୍ଷ ମୋବାଇଲ ନମ୍ବରକୁ ବନ୍ଦ କରିଛନ୍ତି। ଡିସେମ୍ବର ୧ରୁ ସିମ କାର୍ଡ ସମ୍ବନ୍ଧୀୟ ନିୟମକୁ ମଧ୍ୟ ସରକାର କଡ଼ା କରିଛନ୍ତି। ଏହି ସମସ୍ତ ପଦକ୍ଷେପ ଡିଜିଟାଲ ବ୍ୟାଙ୍କିଙ୍ଗ ଠକେଇକୁ ବହୁ ପରିମାଣରେ ରୋକିବାରେ ସଫଳ ହେବ ବୋଲି ଆଶା କରାଯାଉଥିବା ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ନବରଙ୍ଗପୁରରେ ପହଞ୍ଚିଲେ ରାଜନାଥ ସିଂ

ନବରଙ୍ଗପୁର,୨୨।୨: ଓଡିଶାରେ ପହଞ୍ଚିଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ। ବାୟୁସେନାର ସ୍ବତନ୍ତ୍ର ହେଲିକପ୍ଟର ଯୋଗେ ନବରଙ୍ଗପୁରରେ ପହଞ୍ଚିଲେ ରାଜନାଥ। ଭାଜପାର କୋର୍‌ କମିଟି ବୈଠକରେ ସେ...

ଆଜି ନିଯୁକ୍ତି ପାଇବେ ୫୭୬ ହିନ୍ଦୀ, ସଂସ୍କୃତ ଶିକ୍ଷକ

ଭୁବନେଶ୍ୱର, ୨୨।୨(ଅସମାପିକା ସାହୁ)ରାଜ୍ୟର ବିଭିନ୍ନ ସରକାରୀ ଓ ସରକାରୀ ଅନୁଦାନପ୍ରାପ୍ତ ଉଚ୍ଚ ବିଦ୍ୟାଳୟରେ ନିଯୁକ୍ତି ପାଇବେ ୫୭୬ ହିନ୍ଦୀ ଓ ସଂସ୍କୃତ ଶିକ୍ଷକ। ସମ୍ପୃକ୍ତ ଶିକ୍ଷକଙ୍କ...

ଭୁଲ ଇଞ୍ଜେକସନ୍‌ ଦେଇଦେଲେ ଡାକ୍ତର, ଚାଲିଗଲା ୫ମାସ ଶିଶୁର ଜୀବନ!

ବୁଗୁଡା,୨୨।୨: ଡାକ୍ତର ଭୁଲ ଇଞ୍ଜେକସନ ଦେବା ଯୋଗୁ ଚାଲିଗଲା ପାଞ୍ଚ ମାସ ଶିଶୁର ଜୀବନ। ଏପରି ଅଭିଯୋଗ ଆସିଛି ଗଞ୍ଜାମ ଜିଲା ବୁଗୁଡା ସହରର ନେଳିଆବନ୍ଧ...

ନାଲକୋ ଛକରେ କାର୍‌-ଟ୍ରାକ୍ଟର ମୁହାଁମୁହିଁ ଧକ୍କା, ଭାଙ୍ଗିଲା ଟ୍ରାଫିକ ପୋଷ୍ଟ

ବାରଙ୍ଗ,୨୨।୨: ପୁଣି ଘଟିଲା ମର୍ମନ୍ତୁଦ ସଡକ ଦୁର୍ଘଟଣା। ନାଲକୋ ଛକରେ କାର୍‌ ଟ୍ରାକ୍ଟର ମୁହାଁମୁହିଁ ଧକ୍କା। ଜୋରଦାର ଧକ୍କାରେ ଭାଙ୍ଗିଲା ଟ୍ରାଫିକ ପୋଷ୍ଟ। ଏହି ଦୁର୍ଘଟଣାରେ...

ପ୍ରତିଦ୍ୱନ୍ଦ୍ୱୀଙ୍କ ହୋର୍ଡିଂ ଯୁଦ୍ଧ

ବଲାଙ୍ଗୀର, ୨୨ା୨(ବୀରେନ୍ଦ୍ର କୁମାର ଝାଙ୍କର)ସାଧାରଣ ନିର୍ବାଚନ ପୂର୍ବରୁ ବଲାଙ୍ଗୀରର ବିଭିନ୍ନ ସ୍ଥାନରେ ନେତାଙ୍କ ଫଟୋ ଥିବା ହୋଡିଂ, ପୋଷ୍ଟର, ବ୍ୟାନର ଛାଇଗଲାଣି। ଏସବୁ ଲଗାଇବାରେ କଂଗ୍ରେସ...

ଆଜିଠୁ ଯୋରନ୍ଦା ମେଳା, ୨୦ହଜାର ସାଧୁସନ୍ଥ-ଶ୍ରଦ୍ଧାଳୁଙ୍କ ସମାଗମ

ଢେଙ୍କାନାଳ,୨୨ା୨(ରତନ ନାୟାର) ବିଶ୍ୱ ପ୍ରସିଦ୍ଧ ମହିମାଧର୍ମର ପୀଠ ଢେଙ୍କାନାଳ ଜିଲାର ଯୋରନ୍ଦାଠାରେ ମାଘମେଳା ୨୨ ତାରିଖ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଏହା ୨୪ ତାରିଖ...

ପ୍ରାଣୀଧନ ଚିକିତ୍ସା ପ୍ରତି ଅବହେଳା

ପଟ୍ଟାମୁଣ୍ଡାଇ, ୨୨ା୨(କଳ୍ପତରୁ ନାୟକ)ଗ୍ରାମୀଣ ଅର୍ଥନୀତିକୁ ସୁଦୃଢ଼ କରିବା ପାଇଁ ସରକାର ପ୍ରାଣୀଧନ ପାଳନକୁ ପ୍ରୋତ୍ସାହନ ଦେଉଛନ୍ତି। ଏଥିପାଇଁ ଚାଷୀମାନଙ୍କୁ ବ୍ୟାଙ୍କ ଜରିଆରେ ଋଣ ସହାୟତା ଯୋଗାଇ...

ଛାତ୍ର ନେତାଙ୍କୁ ଦଳରୁ ତଡିଲା ବିଜେଡି, ହତ୍ୟା ମାମଲାରେ ହୋଇଥିଲେ ଗିରଫ

ଗଜପତି,୨୨।୨: ଜଣେ ବୃଦ୍ଧାଙ୍କୁ ହତ୍ୟା ମାମଲାରେ ଗିରଫ ଛାତ୍ର ବିଜେଡି ନେତାଙ୍କୁ ନିଲମ୍ବନ କରିଛି ଦଳ । ଗଜପତି ଜିଲା ପାରଳାଖେମୁଣ୍ଡି କରଣସାହିର ସରୋଜିନୀ ପଟ୍ଟନାୟକ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri