ନୂଆଦିଲ୍ଲୀ,୧୪।୩: ମୁମ୍ବାଇ ରଣଜୀ ଟ୍ରଫି ୨୦୨୪ଟାଇଟଲ ଜିତିଛି । ମୁମ୍ବାଇ ଫାଇନାଲରେ ବିଦର୍ଭଙ୍କୁ ୧୬୯ ରନରେ ପରାସ୍ତ କରିଛି। ଶ୍ରେୟାସ ଆୟର ମୁମ୍ବାଇ ପାଇଁ ୯୫ ରନର ଇନିଂସ ଖେଳିଥିଲେ। ଦଳର ବିଜୟ ପରେ ଆୟର ନାଚୁଥିବାର ନଜର ଆସିଛନ୍ତି। ତାଙ୍କ ଭିଡିଓ ସୋସିଆଲ ମିଡିଆରେ ମଧ୍ୟ ଶେୟାର କରାଯାଇଛି। ଅଜିଙ୍କ୍ୟ ରାହାଣେଙ୍କ ଅଧିନାୟକତ୍ୱ କରିଥିବା ଟିମ ମୁମ୍ବାଇ ପ୍ରଥମ ଇନିଂସରେ ୨୨୪ ରନ ଏବଂ ଦ୍ୱିତୀୟ ଇନିଂସରେ ୪୧୮ ରନ ସଂଗ୍ରହ କରିଥିଲା। ଯେଉଁଠାରେ ବିଦର୍ଭ ଦଳ ମାତ୍ର ୧୦୫ ରନ ଏବଂ ୩୬୮ ରନ ସ୍କୋର କରିପାରନ୍ତି। ଭିଡିଓଟି ଏକ୍ସରେ ଶେୟାର କରାଯାଇଛି। ଏଥିରେ ଶ୍ରେୟସ ଆୟର ନାଚୁଥିବା ନଜର ଆସିଛନ୍ତି। ମୁମ୍ବାଇର ବିଜୟ ପରେ ୱାଖଣ୍ଡେ ଷ୍ଟାଡିୟମରେ ବାଜା ବଜାଯାଇଥିଲା। ଆୟରଙ୍କୁ ବାଜା ସହିତ ନାଚୁଥିବା ଦେଖିବାକୁ ମିଳିଛି। ସେ ପ୍ରଥମ ଇନିଂସରେ ମୁମ୍ବାଇ ପାଇଁ କିଛି ବିଶେଷ କରିପାରି ନ ଥିଲେ। ୧୫ ବଲରେ ୭ ରନ ସ୍କୋର କରିବା ପରେ ଆୟର ଆଉଟ ହୋଇଥିଲେ। କିନ୍ତୁ ସେ ଦ୍ୱିତୀୟ ଇନିଂସରେ ଚମତ୍କାର ପ୍ରଦର୍ଶନ କରିଥିଲେ। ଆୟର ୧୧୧ବଲରେ ୯୫ ରନ ସଂଗ୍ରହ କରିଥିଲେ। ଏହି ସମୟ ମଧ୍ୟରେ ସେ ୧୦ ଚୌକା ଓ ୩ ଛକା ମାରିଥିଲେ।
