ନୂଆଦିଲ୍ଲୀ,୧୯।୯: ଦେଶର ପ୍ରମୁଖ ସାମାଜିକ ପ୍ରତିଷ୍ଠାନ ପତଞ୍ଜଳିର ସଫଳତାକୁ ସହ୍ୟ ନ କରି ପାରି କିଛି ମିଷ୍ଟଭାଷୀ ଏବଂ କ୍ଷଣ ପ୍ରକୃତିର ସଂସ୍ଥା ଓ ବ୍ୟକ୍ତିବିଶେଷ ପତଞ୍ଜଳି ଆୟୁର୍ବେଦର ଉତ୍ପାଦ ସର୍ମ୍ପକରେ ନାନା ପ୍ରକାରର ଅପପ୍ରଚାର ବିଭିନ୍ନ ପ୍ଲାଟଫର୍ମରେ କରୁଥିବା ପ୍ରତିଷ୍ଠାନର ନଜରକୁ ଆସିଛି। ବିଶେଷକରି ପତଞ୍ଜଳି ଆୟୁର୍ବେଦର ଖାଦ୍ୟ ଓ ଔଷଧୀୟ ଉତ୍ପାଦଗୁଡିକ ସମ୍ପର୍କରେ ମିଥ୍ୟା ସୂଚନା ପ୍ରଚାର କରୁଛନ୍ତି। ଏ ସମ୍ପର୍କରେ ପତଞ୍ଜଳିର ପ୍ରତିଷ୍ଠାତା ଯୋଗଗୁରୁ ସ୍ବାମୀ ରାମଦେବ ନିକଟରେ ଏକ ଖବରଦାତା ସମ୍ମିଳନୀର ଆୟୋଜନ କରି ଅପପ୍ରଚାର ଓ ମିଥ୍ୟା ସୂଚନା ବିଷୟରେ ସରକାରୀ ପ୍ରମାଣ ପତ୍ର ସହ ପ୍ରତିଟି ଉତ୍ପାଦ ଓ ସାମଗ୍ରୀର ଗୁଣବତ୍ତା ସର୍ମ୍ପକରେ ବିସ୍ତୃତ ସୂଚନା ସର୍ବସାଧାରଣଙ୍କ ଅବଗତ ନିମନ୍ତେ ପ୍ରଦାନ କରିଥିଲେ।
ଏପରିକି ଗତ ୫୦ ବର୍ଷ ମଧ୍ୟରେ ସ୍ବାମୀ ରାମଦେବ ଏଭଳି କିଛି କାର୍ଯ୍ୟ କରି ନ ଥିବା ବେଳେ ତାଙ୍କର ପ୍ରତିଷ୍ଠା ଓ ମାନସମ୍ମାନରେ କ୍ଷତି ପହଞ୍ଚାଇବା ଉଦ୍ଦେଶ୍ୟରେ ଅନେକ ଲୋକ ଅନେକ ମତ ଦେଉଛନ୍ତି। ହେଲେ ସମାଜର କ୍ଷତି କଲା ଭଳି କୌଣସି କାର୍ଯ୍ୟ ନା ରାମଦେବ ଅଥବା ପତଞ୍ଜଳି ପକ୍ଷରୁ କରାଯାଇଛି ସେ ନେଇ ରାମଦେବ ବିସ୍ତୃତ ମତ ଉପସ୍ଥାପନ କରିଥିଲେ। ସେହିପରି ଗତ କିଛି ବର୍ଷ ହେବ ପତଞ୍ଜଳିର ସଫଳତାକୁ ଅନ୍ୟମାନେ ସହ୍ୟ କରୁ ପାରୁନଥିବା ବିଭିନ୍ନ ସୂତ୍ରରୁ ଜଣାପଡିଥିବା ପତଞ୍ଜଳି ପକ୍ଷରୁ କୁହାଯାଇଛି। ଉଲ୍ଲେଖଯୋଗ୍ୟ ଯେ ସ୍ବାମୀ ରାମଦେବ ଯୋଗ, ଆୟୁର୍ବେଦ, ଭାରତୀୟ ଶିକ୍ଷା ଏବଂ ଚିକିତ୍ସା କ୍ଷେତ୍ରରେ ଅନେକ ବୈପ୍ଳବିକ ପରିବର୍ତ୍ତନ ସହ ଏକ ଆନ୍ଦୋଳନ ମଧ୍ୟ ସୃଷ୍ଟି କରିପାରିଛନ୍ତି।
