ନୂଆଦିଲ୍ଲୀ,୧୮।୪: ୨୦୨୫ ଆଇପିଏଲରେ ରାଜସ୍ଥାନ ରୟାଲ୍ସ ପାଇଁ ଏପର୍ଯ୍ୟନ୍ତ ନୈରାଶ୍ୟଜନକ ପ୍ରଦର୍ଶନ କରିଆସୁଛି। ଏବେ ଦଳରେ ଏକ ନୂତନ ସମସ୍ୟା ସୃଷ୍ଟି ହୋଇଛି। ସିଜିନ ମଝିରେ ରାଜସ୍ଥାନକୁ ପୁଣି ଥରେ ଅଧିନାୟକ ପରିବର୍ତ୍ତନ କରିବାକୁ ପଡ଼ିପାରେ। ଏହାର କାରଣ ହେଉଛନ୍ତି ଅଧିନାୟକ ସଞ୍ଜୁ ସାମସନ। ରାଜସ୍ଥାନ ଏହାର ପରବର୍ତ୍ତୀ ମ୍ୟାଚ ଲକ୍ଷ୍ନୌ ସୁପରଜାଏଣ୍ଟ୍ସ ବିପକ୍ଷରେ ଖେଳିବ। ଏହି ମ୍ୟାଚ୍ରେ ସାମସନଙ୍କ ସ୍ଥାନରେ ଆଉ ଜଣେ ଅଧିନାୟକ ହୋଇପାରେ। କାରଣ ଅଧିନାୟକ ସାମସନ ଏପର୍ଯ୍ୟନ୍ତ ସମ୍ପୂର୍ଣ୍ଣ ଫିଟ ହୋଇନାହନ୍ତି।
ଚଳିତ ସିଜିନରେ ଏପର୍ଯ୍ୟନ୍ତ ୭ଟି ମ୍ୟାଚ ରୁ ୫ଟିରେ ପରାଜିତ ହୋଇଛି ରାଜସ୍ଥାନ ରୟାଲ୍ସ। ତେବେ ଅଧିନାୟକ ସାମସନ୍ ଗତ ମ୍ୟାଚ୍ରେ ଆହତ ହୋଇଯାଇଥିଲେ। ଏହି କାରଣରୁ ସେ ତାଙ୍କର ଇନିଂସ ସମାପ୍ତ କରିପାରି ନ ଥିଲେ। ସେ ରିଟାୟାର ହର୍ଟ ହେବା ପରେ ପାଭିଲିୟନ ଫେରିଯାଇଥିଲେ। ସୁପର ଓଭରରେ ମଧ୍ୟ ରାଜସ୍ଥାନ ଦଳ ତାଙ୍କ ବିନା ମଇଦାନକୁ ଆସିଥିଲା।
ଶନିବାର ଲକ୍ଷ୍ନୌ ସୁପରଜାଏଣ୍ଟସ ବିପକ୍ଷ ମ୍ୟାଚ ପୂର୍ବରୁ, ରାଜସ୍ଥାନର ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ କହିଛନ୍ତି ଯେ ସଞ୍ଜୁଙ୍କ ଫିଟନେସ ସମ୍ପର୍କରେ ସ୍ଥିତି ଏପର୍ଯ୍ୟନ୍ତ ସ୍ପଷ୍ଟ ନୁହେଁ। ତାଙ୍କୁ ସ୍କାନ ପାଇଁ ପଠାଯାଇଥିଲା, ଯାହାର ରିପୋର୍ଟ ଏପର୍ଯ୍ୟନ୍ତ ଆସିନାହିଁ। ଏହି ରିପୋର୍ଟ ଆଧାରରେ, ଦ୍ରାବିଡ ଏବଂ ରାଜସ୍ଥାନ ଦଳ ପ୍ରବନ୍ଧନ ସେମାନଙ୍କ ଅଧିନାୟକଙ୍କ ଖେଳବା ନେଇ ନିଷ୍ପତ୍ତି ନେବେ।
ଏମିତିରେ ଯଦି ସାମସନ ଏହି ମ୍ୟାଚ୍ ପାଇଁ ଫିଟ୍ ନ ହୁଅନ୍ତି, ତେବେ ରାଜସ୍ଥାନକୁ ପୁଣିଥରେ ଅଧିନାୟକ ପରିବର୍ତ୍ତନ କରିବାକୁ ପଡ଼ିପାରେ। ଏପରି ପରିସ୍ଥିତିରେ ଅଧିନାୟକ ଦାୟିତ୍ୱ ପୁଣି ଥରେ ରିୟାନ ପରାଗଙ୍କ କାନ୍ଧକୁ ଆସିପାରେ। ଏହି ସିଜିନ ଆରମ୍ଭରେ ମଧ୍ୟ ରିଆନ ୩ ମ୍ୟାଚରେ ଦଳର ଅଧିନାୟକ ଦାୟିତ୍ୱ ତୁଲାଇଥିଲେ। ଏହାପରେ ଆଙ୍ଗୁଠିରେ ଆଘାତ ଯୋଗୁ ସାମସନ କେବଳ ବ୍ୟାଟିଂ କରିପାରିଥିଲେ । ଏମିତିରେ ସେ ଜଣେ ଇମ୍ପ୍ୟାକ୍ଡ ଖେଳାଳି ଭାବରେ ଖେଳୁଥିଲେ। ତାଙ୍କ ଅଧିନାୟକତ୍ୱରେ, ଦଳ ପ୍ରଥମ ଦୁଇଟି ମ୍ୟାଚ୍ ହାରିଥିଲା କିନ୍ତୁ ତୃତୀୟ ମ୍ୟାଚ ଜିତିଥିଲା।
