ରେଳ ଯାତ୍ରୀ ଭଡା ବଢିବା ସମ୍ଭାବନା

ନୂଆଦିଲ୍ଲୀ,୨୫-୧୨: ଭାରତୀୟ ରେଲଓ୍ବେ ପକ୍ଷରୁ ଚଳିତ ସପ୍ତାହରେ ଯାତ୍ରୀ ଭଡା ବଢାଇବା ନେଇ ସମ୍ଭାବନା ରହିଛି। କିଲୋମିଟର ପିଛା ଏହା ୫ରୁ ୪୦ ପଇସା ମୂଲ୍ୟ ବଢିପାରେ ବୋଲି ଏକ ଗଣମାଧ୍ୟମ ରିପୋର୍ଟରେ ପ୍ରକାଶ ପାଇଛି। ଯାତ୍ରୀ ଭଡା ବୃଦ୍ଧି ପ୍ରସ୍ତାବ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟଠାରୁ ଚଳିତ ବର୍ଷ ନଭେମ୍ବରରେ ମଞ୍ଜୁରୀ ଲାଭ କରିଛି। ଝାଡଖଣ୍ଡ ନିର୍ବାଚନ ଯୋଗୁ ଏହା ଘୋଷଣା ହୋଇ ନ ଥିବା ରିପୋର୍ଟରେ କୁହାଯାଇଛି। ବର୍ତ୍ତମାନ ଅର୍ଥନୈତିକ ମାନ୍ଦାବସ୍ଥା ଲାଗି ରହିଥିବା ବେଳେ ରେଲଓ୍ବେ ରାଜସ୍ବ ଉପରେ ଏହାର ପ୍ରଭାବ ପଡିଛି। ରେଲଓ୍ବେ ରାଜସ୍ବ ବଢାଇବା ଲାଗି ଉଦ୍ୟମ ଜାରି ରଖିଛି। ଏବେ ସଡକ ପରିବହନ କ୍ଷେତ୍ରରେ ତୀବ୍ର ପ୍ରତିଦ୍ୱନ୍ଦ୍ୱିତା ରହିଛି। ପାସେଞ୍ଜର ସେଗ୍‌ମେଣ୍ଟରେ ଯାତ୍ରୀଭଡା ବୃଦ୍ଧି ଲାଗି ରେଲଓ୍ବେ ଚିନ୍ତା କରୁଛି। ଗତ କିଛି ବର୍ଷ ହେବ ରେଲଓ୍ବେ ଏହାର ଯାତ୍ରୀଭଡାରେ କୌଣସି ପରିବର୍ତ୍ତନ କରିନାହିଁ।
ରେଲଓ୍ବେ ରାଜସ୍ବରେ ବୃଦ୍ଧି ଲାଗି କିଛି ଟ୍ରେନରେ ଫ୍ଲେକ୍ସି ଫେୟାର ସିଷ୍ଟମ ଏବଂ ରିଫଣ୍ଡରେ ପରିବର୍ତ୍ତନ ଆଣିଛି। ଚଳିତ ବର୍ଷ ସେପ୍ଟେମ୍ବରରେ ରେଲଓ୍ବେର ମୋଟ୍‌ ରାଜସ୍ବ ଲଗାତାର ଦ୍ୱିତୀୟ ମାସ ଲାଗି ହ୍ରାସ ଘଟିଛି। ଏଥିରେ ୪.୨% ଖସି ୧୩,୧୬୯ କୋଟି ଟଙ୍କା ରହିଛି। ସେହିଭଳି ଅକ୍ଟୋବର ରାଜସ୍ବରେ ୭.୮% ହ୍ରାସ ହୋଇଥିଲା। ଏପ୍ରିଲ-ଅକ୍ଟୋବର ସମୟରେ ରେଲଓ୍ବେର ରାଜସ୍ବ ହ୍ରାସ ୧୯,୪୧୨ କୋଟି ଟଙ୍କା ରହିଛି। ଏହି ସମୟରେ ମୋଟ ବ୍ୟୟ ୪୦୯୯ କୋଟି ଟଙ୍କା ବୃଦ୍ଧି ଘଟି ୧.୦୧ ଲକ୍ଷ କୋଟି ଟଙ୍କା ରହିଛି। ଏହି ସମୟରେ ୯୭,୨୫୬ କୋଟି ଟଙ୍କା ଖର୍ଚ୍ଚ ଲାଗି ରେଲଓ୍ବେ ଯୋଜନା ରଖିଥିଲା।
ରେଳ ବୋର୍ଡ ପୁନର୍ଗଠନକୁ କ୍ୟାବିନେଟ ମଞ୍ଜୁରୀ
ରେଲଓ୍ବେ ପକ୍ଷରୁ ଏହାର ବୋର୍ଡ ପୁନର୍ଗଠନ ଏବଂ କ୍ୟାଡର ମିଶ୍ରଣକୁ ମଞ୍ଜୁରୀ ପ୍ରଦାନ କରାଯାଇଛି। ରେଳ ବୋର୍ଡରେ ଏବେ ଅଧ୍ୟକ୍ଷଙ୍କ ସମେତ ୫ ସଦସ୍ୟ ରହିବେ। ଏହା ପୂର୍ବରୁ ୮ ସଦସ୍ୟ ବିଶିଷ୍ଟ ରହିଥିଲା। ସେହିଭଳି ବିଭିନ୍ନ କ୍ୟାଡର ପରିବର୍ତ୍ତେ ଏକକ ରେଳ ମ୍ୟାନେଜମେଣ୍ଟ ସିଷ୍ଟମ ପରିସରକୁ ଆଣିବା ଲାଗି ଯୋଜନା ରହିଥିବା ସୂଚନା ରହିଛି। ରେଳ ବୋର୍ଡର ଟ୍ରାଫିକ, ରୋଲିଂ ଷ୍ଟକ, ଟ୍ରାକଶନ ଆଣ୍ଡ ଇଞ୍ଜିନିୟରିଂ ସଦସ୍ୟ ପରିବର୍ତ୍ତେ ନୂଆ କରି ଗଠନ ହୋଇଥିବା ବୋର୍ଡରେ ପରିଚାଳନା, ବାଣିଜ୍ୟ ଉନ୍ନତିକରଣ, ମାନବ ସମ୍ବଳ, ଭିତ୍ତିଭୂମି ଏବଂ ଅର୍ଥ ଭଳି କ୍ଷେତ୍ରରେ ସଦସ୍ୟ ରହିବେ। ରେଲଓ୍ବେରେ ଏବେ ଗୋଟିଏ କ୍ୟାଡର ଭାରତୀୟ ରେଳ ସର୍ଭିସ କାର୍ଯ୍ୟ କରିବ। ଇଲେକ୍ଟ୍ରିକାଲ, ମେକାନିକାଲ, ଟ୍ରାଫିକ ଏବଂ ଇଞ୍ଜିନିୟରିଂ ସମେତ ବିଭିନ୍ନ ବିଭାଗରେ ବର୍ତ୍ତମାନ ୮ ସେବା ରହିଛି। ଏବେଠାରୁ ଏହା ଗୋଟିଏ କ୍ୟାଡରରେ ମିଶ୍ରଣ ହୋଇଥିବା ଜଣାପଡିଛି।


Enter your email to get our daily news in your inbox.

All Right Reserved By Dharitri.Com

ଜେଟ୍‌ ଏୟାରଓ୍ବେଜ୍‌ ପକ୍ଷରୁ ନୂଆ ସିଇଓ ନିଯୁକ୍ତ

ନୂଆଦିଲ୍ଲୀ, ୫ା୩: ଓବେରୟ ହୋଟେଲ୍ସ ଆଣ୍ଡ ରିସର୍ଟର ସଭାପତି ଭାବେ କାର୍ଯ୍ୟରତ ସଞ୍ଜୀବ କପୁରଙ୍କୁ ଜେଟ୍‌ ଏୟାରଓ୍ବେଜ୍‌ର ନୂଆ ସିଇଓ ନିଯୁକ୍ତ କରାଯାଇଛି। ଏ ସମ୍ପର୍କରେ...

ସତର୍କ କଲା ଏସ୍‌ବିଆଇ: ଜୁନ୍‌ ୩୦ ମଧ୍ୟରେ କରି ନିଅନ୍ତୁ ଏହି କାମ; ନଚେତ…

ନୂଆଦିଲ୍ଲୀ,୨।୬: ଷ୍ଟେଟ୍‌ ବ୍ୟାଙ୍କ ଅଫ୍‌ ଇଣ୍ଡିଆ(ଏସ୍‌ବିଆଇ) ଗ୍ରାହକମାନଙ୍କୁ ଜୁନ୍‌ ୩୦ ସୁଦ୍ଧା ସେମାନଙ୍କର ପାନ୍‌-ଆଧାର ଲିଙ୍କ୍‌ କରିବାକୁ କହିଛି। ଏହାଦ୍ୱାରା ସେମାନେ ଭବିଷ୍ୟତରେ କୌଣସି ପ୍ରକାରର...

୨୦୩୦ରୁ ବ୍ରିଟେନରେ ବିକ୍ରି ହେବନି ପେଟ୍ରୋଲ,ଡିଜେଲ କାର୍‌

ନୂଆଦିଲ୍ଲୀ: ୨୦୩୦ରୁ ବ୍ରିଟେନରେ ନୂଆ ପେଟ୍ରୋଲ ଏବଂ ଡିଜେଲ କାର ବିକ୍ରି ହେବନାହିଁ। ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନ୍‌ସନ ଏ ନେଇ ବୁଧବାର ଘୋଷଣା କରିଛନ୍ତି।...

ସୋସିଆଲ୍‌ ମୋବିଲିଟି ସୂଚକାଙ୍କ: ୭୬ ତମ ସ୍ଥାନରେ ଭାରତ

ନୂଆଦିଲ୍ଲୀ,୨୧-୧: ଓ୍ବାର୍ଲଡ ଇକୋନୋମିକ ଫୋରମ୍‌ (ଡବ୍ଲ୍ୟୁଇଏଫ୍‌) ପକ୍ଷରୁ ସୋମବାର ପ୍ରକାଶିତ ନିୟୁ ସୋସିଆଲ ମୋବିଲିଟି ସୂଚକାଙ୍କରେ ୮୨ ଦେଶ ମଧ୍ୟରୁ ଭାରତ ୭୬ତମ ସ୍ଥାନରେ ରହିଛି।...

ଲଗାତର ୫ ଦିନ ଲାଗି ତେଲ ଦର ବୃଦ୍ଧି

ଭୁବନେଶ୍ୱର: ପେଟ୍ରୋଲ ଏବଂ ଡିଜେଲ ଦର ବୃଦ୍ଧି ଲୋକଙ୍କ ଲାଗି ବର୍ତ୍ତମାନ ଚିନ୍ତାର କାରଣ ପାଲଟିଛି। ଗତ ୫ ଦିନ ହେବ ତେଲ ଦର ଥମିବାର...

ବଢୁଛି ଭାରତୀୟଙ୍କ ଖର୍ଚ୍ଚ ଆଗ୍ରହ

ନୂଆଦିଲ୍ଲୀ,୨୫।୭:  ୨୦୨୦ କୋଭିଡ୍‌ ସଂକ୍ରମଣଠାରୁ ଭାରତୀୟଙ୍କ ମଧ୍ୟରେ ରହିଥିବା ଆଶଙ୍କାକୁ ନେଇ ଡୋଲୋଏଟ୍‌ ପକ୍ଷରୁ ଶନିବାର କରାଯାଇଥିବା ସର୍ଭେ ‘ଗ୍ଲୋବାଲ ଷ୍ଟେଟ୍‌ ଅଫ୍‌ କଞ୍ଜ୍ୟୁମର ଟ୍ରାକର’ର ରିପୋର୍ଟ...

ଟଙ୍କା ମୂଲ୍ୟରେ ସର୍ବାଧିକ ଦିନିକିଆ ହ୍ରାସ

ନୂଆଦିଲ୍ଲୀ: ବୁଧବାର ଡଲାର ତୁଳନାରେ ଟଙ୍କା ମୂଲ୍ୟରେ ସର୍ବାଧିକ ଦିନିକିଆ ହ୍ରାସ ଦେଖାଯାଇଛି। ଦେଶ ମଧ୍ୟରେ କରୋନା ମାମଲା ବଢିବାରୁ ଏଭଳି ସ୍ଥିତି ଦେଖିବାକୁ ମିଳିଛି।...

ପ୍ରିମିୟମ୍‌ ପୈଠ କରି ନ ଥିଲେ ବୀମା ଦାବି କରି ହେବ ନାହିଁ…

ନୂଆଦିଲ୍ଲୀ,୧।୧୧: ନିର୍ଦ୍ଦିଷ୍ଟ ତାରିଖରେ ଇନସ୍ୟୁରାନ୍ସ୍‌ ପ୍ରିମିୟମ୍‌ ପୈଠ କରି ନ ଥିଲେ ବୀମା ଦାବି କରିହେବ ନାହିଁ। ଏଭଳି ଦାବୀକୁ ସ୍ବୀକାର କରାଯିବ ନାହିଁ ବୋଲି...

Advertisement
Archives

Model This Week