ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡେଭଲପମେଣ୍ଟ ମଡେଲକୁ କଂଗ୍ରେସ ନେତା ରାହୁଲ ଗାନ୍ଧୀ ମଙ୍ଗଳବାର କଟାକ୍ଷ କରିଛନ୍ତି। ରାଷ୍ଟ୍ରାୟତ୍ତ ଉଦ୍ୟୋଗ ସଂଖ୍ୟା ହ୍ରାସ ଦ୍ୱାରା ସରକାର ଅର୍ଥ ବ୍ୟବସ୍ଥାକୁ କ୍ଷତି ପହଞ୍ଚାଉଥିବା ରାହୁଲ କହିଛନ୍ତି। ମୋଦିଙ୍କ ବିକାଶ ଯୋଜନାରେ ରାଷ୍ଟ୍ରାୟତ୍ତ ଉଦ୍ୟୋଗ ସଂଖ୍ୟା ୧୦ରୁ ଗୋଟିଏ ଭାଗକୁ କମିବ। ଦେଶର କ୍ଷତି ସାଧନ ହେବାକୁ ଥିବା ବେଳେ ପୁଞ୍ଜିପତି ମାନେ ଏହାର ଲାଭ ପାଇବେ। ସରକାରଙ୍କ ପାଖ ଲୋକମାନେ ବର୍ତ୍ତମାନ ଲାଭାନ୍ବିତ ହେଉଥିବା ବେଳେ ଦେଶ କ୍ଷତି ସହୁଛି। ରାହୁଲ ଏଭଳି ବିଭିନ୍ନ ଆରୋପ ସରକାରଙ୍କ ଉପରେ ଲଗାଇବା ସହ ଘେରିଛନ୍ତି। ବଜେଟରେ ସରକାର କୃଷକ ଏବଂ ଯୁବବର୍ଗଙ୍କୁ ଠକିଥିବା ରାହୁଲ ପୂର୍ବରୁ ସରକାରଙ୍କୁ ସମାଲୋଚନା କରିଥିଲେ। କେନ୍ଦ୍ର ସରକାରଙ୍କ ୩ରୁ ୪ ଶିଳ୍ପପତି ବନ୍ଧୁ ରହୁଛନ୍ତି ଯେଉଁମାନେ ଲାଭବାନ ହେଉଥିବା ରାହୁଲ ଆରୋପ ଲଗାଇଛନ୍ତି।
