ନୂଆଦିଲ୍ଲୀ,୯।୪: କର୍ନାଟକରେ ୧୦ ମେ’ରେ ହେବାକୁ ଯାଉଛି ବିଧାନସଭା ନିର୍ବାଚନ। ଏଥିପାଇଁ କୋଲାରରେ କଂଗ୍ରେସ ନେତା ରାହୁଲ ଗାନ୍ଧୀ ଓ ତାଙ୍କ ଭଉଣୀ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ରାଲି ପୁଣି ଥରେ ସ୍ଥଗିତ ହୋଇଯାଇଛି। ଏଥର ରାହୁଲଙ୍କ ରାଲି ୧୬ ଏପ୍ରିଲ ପର୍ଯ୍ୟନ୍ତ ସ୍ଥଗିତ ରଖାଯାଇଛି। ଦଳ ପକ୍ଷରୁ ମିଳିଥିବା ବିଶେଷ ସୂଚନା ଅନୁଯାୟୀ, ରାଲି ସ୍ଥଗିତ ହେବାର କାରଣ ହେଉଛି କୋଲାର ବିଧାନସଭା ଆସନକୁ ନେଇ ଫସି ରହିଥିବା ପେଞ୍ଚ।
ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟା ତାଙ୍କର ପରମ୍ପରାଗତ ବରୁଣା ଆସନ ବ୍ୟତୀତ କୋଲାରରୁ ବି ନିର୍ବାଚନ ଲଢିବାକୁ ଚାହୁଁଛନ୍ତି। ସେଥିପାଇଁ କୋଲାର ଆସନର ମାମଲା ହାଇକମାଣ୍ଡଙ୍କ ଉପରେ ଛାଡି ଦିଆଯାଇଛି। କୋଲାର ଆସନକୁ ନେଇ ନିଷ୍ପତ୍ତି ନ ଯିଆଯାଇପାରିବା କାରଣରୁ ରାହୁଲଙ୍କ କୋଲାର ରାଲିର ତାରିଖକୁ ତୃତୀୟ ଥର ପରିବର୍ତ୍ତନ କରିବାକୁ ପଡିଛି।
