କ୍ୱାଣ୍ଟମ ଏଏମ୍‌ସିର ନୂତନ ଉତ୍ପାଦ
8:27 amOctober 14, 2023October 14, 2023 / 02

ଭୁବନେଶ୍ୱର,୧୪।୧୦: କ୍ୱାଣ୍ଟମ ଏଏମ୍‌ସିର ନୂତନ ଉତ୍ପାଦ ‘କ୍ୱାଣ୍ଟମ ସ୍ମଲ୍‌ କ୍ୟାପ୍‌ ଫଣ୍ଡ’ର ଉନ୍ମୋଚନ ନିକଟରେ ହୋଇଯାଇଛି। ବିଶେଷକରି ଉତ୍ପାଦର ଏକ ନୂଆ ଫଣ୍ଡ ଅଫର (ଏନ୍‌ଏଫ୍‌ଓ)ର ଶୁଭାରମ୍ଭ କରାଯାଇଛି। ଏହ ଅଫର ୨୦୨୩ ଅକ୍ଟୋବର ୨୭ ପର୍ଯ୍ୟନ୍ତ ଉପଲବ୍ଧ। ଏ ସମ୍ପର୍କରେ କ୍ୱାଣ୍ଟମ ଏଏମ୍‌ସିର ମୁଖ୍ୟ ନିବେଶ ଅଧିକାରୀ ଓ ଫଣ୍ଡ ପରିଚାଳକ ଚିରାଗ ମେହେତା କହିଥିଲେ, ଆମର ସ୍ମଲ୍‌ କ୍ୟାପ୍‌ ଫଣ୍ଡ,ସେହି ନିବେଶକମାନଙ୍କ ପାଇଁ ପ୍ରସ୍ତୁତ ହୋଇଛି, ଯେଉଁମାନେ ପୁଞ୍ଜିର ଦୀର୍ଘକାଳୀନ ମୂଲ୍ୟ ବୃଦ୍ଧି ଚାହୁଁଛନ୍ତି। ଏପରିକି ଆମେ ଦେଖିଛୁ ଯେ ଦୀର୍ଘ ଅବଧିରେ ସ୍ମଲ କ୍ୟାପ ଷ୍ଟକ୍‌ଗୁଡ଼ିକ ଭଲ ରିଟର୍ନ ଦେବାର କ୍ଷମତା ପ୍ରଦର୍ଶନ କରିଛନ୍ତି। ଏପରିକି ଆମର ଗ୍ରାହକମାନଙ୍କ ପାଇଁ ଭଲ ରିଟର୍ନ ନିଶ୍ଚିତ କରିବାକୁ ଆମେ ବୃଦ୍ଧିର ସମ୍ଭାବନା ଥିବା ସ୍ବଳ୍ପ-ପରିଚିତ ଓ ଛୋଟ ବ୍ୟବସାୟରେ ନିବେଶ କରିବୁ। ବିଶେଷ କରି ସମୟ ଅନୁସାରେ ଏହି କମ୍ପାନୀଗୁଡ଼ିକ ସେମାନଙ୍କର ରାଜସ୍ବ ଓ ଆୟ ବୃଦ୍ଧି ଯାହା ଆମର ନିବେଶକମାନଙ୍କ ପାଇଁ ଭଲ ରିଟର୍ନ ନିଶ୍ଚିତ କରିପାରିବ। ସେହିଭଳି କ୍ୱାଣ୍ଟମ ମ୍ୟୁଚୁଆଲ ଫଣ୍ଡ (ଇକ୍ୱିଟି, ପ୍ରଯୋଜକ ଏବଂ ପରାମର୍ଶଦାତା)ର ଏମ୍‌ଡି ତଥା ଗ୍ରୁପ୍‌ ହେଡ୍‌ ଆଇ.ଭି.ସୁବ୍ରମଣ୍ୟୟମ କହିଛନ୍ତି, ଲୋକମାନେ ସମ୍ମୁଖୀନ ହେଉଥିବା ସମସ୍ୟାର ସମାଧାନ କରିବା ପାଇଁ ଆବିର୍ଭୂତ ହୋଇଥିବା ଷ୍ଟାର୍ଟଅପ୍‌ଗୁଡ଼ିକରୁ ଅନେକ ସଂସ୍ଥା ପରିଶେଷରେ ସ୍ମଲ୍‌-କ୍ୟାପ୍‌ କମ୍ପାନୀ ଭାବେ ତାଲିକାଭୁକ୍ତ ହୋଇପାରିବେ ଏବଂ ମିଡ ୍‌କିମ୍ବା ଲାର୍ଜ-କ୍ୟାପ୍‌ ସ୍ପେସ୍‌ରେ ଏକ ବଡ଼ କମ୍ପାନୀରେ ପରିଣତ ହୋଇପାରିବେ। ଅର୍ଥନୀତିର ଅଭିବୃଦ୍ଧି କେବଳ ବଡ଼ କମ୍ପାନୀଗୁଡ଼ିକ ଦ୍ୱାରା ନୁହେଁ, ବରଂ ଗତ କିଛି ବର୍ଷ ମଧ୍ୟରେ ଆବିର୍ଭୂତ ହୋଇଥିବା ଅନେକ ଷ୍ଟାର୍ଟଅପ୍‌ର ଦ୍ରୁତ ଅଭିବୃଦ୍ଧି ଦ୍ୱାରା ପରିଚାଳିତ ହେବ। ୨୦୦୬ଠାରୁ ସୁଚିନ୍ତିତ ପୋର୍ଟଫୋଲିଓ ପରିଚାଳନା ଏବଂ ବଜାର ସ୍ଥିତି ସହ ଅନୁକୂଳତାକୁ ପ୍ରଦର୍ଶନ କରୁଥିବା ପ୍ରମାଣିତ ଟ୍ରାକ୍‌ ରେକର୍ଡ ସହ କ୍ୱାଣ୍ଟମ ମ୍ୟୁଚୁଆଲ ଫଣ୍ଡ କ୍ୱାଣ୍ଟମ ସ୍ମଲ୍‌ କ୍ୟାପ୍‌ ଫଣ୍ଡ ସହ ଏହାର ନିବେଶକମାନଙ୍କ ପୋର୍ଟଫୋଲିଓକୁ ବଢାଇବା ପାଇଁ ଭଲ ସ୍ଥିତିରେ ଅଛି।