ଗାଜା,୯।୧୦ : ଆତଙ୍କବାଦୀ ଗୋଷ୍ଠୀର ସୂତ୍ରରୁ ପ୍ରକାଶ କତାର ହମାସ ଏବଂ ଇସ୍ରାଏଲ ମଧ୍ୟରେ ବନ୍ଦୀ ବିନିମୟର ମଧ୍ୟସ୍ଥତା କରୁଛି। ଆମେରିକାର ସମର୍ଥନ ସହିତ କାତାର ତୁରନ୍ତ ଏହି ଚୁକ୍ତିନାମା କରିବାକୁ ଚାହୁଁଛି ବୋଲି ନାମ ସୂତ୍ରରୁ ପ୍ରକାଶ। ଏହା ଅଧୀନରେ, ହମାସ ଦ୍ୱାରା ଧରାଯାଇଥିବା ଇସ୍ରାଏଲ ମହିଳାମାନଙ୍କୁ ଇସ୍ରାଏଲ ଜେଲରେ ରଖାଯାଇଥିବା ପାଲେଷ୍ଟାଇନ ମହିଳା ବନ୍ଦୀମାନଙ୍କ ବଦଳରେ ମୁକ୍ତ କରାଯିବ।
ସୂଚନାନୁସାରେ, ଇସ୍ରାଏଲର ଜେଲରେ ଥିବା ସମସ୍ତ ୩୬ ପାଲେଷ୍ଟାଇନ ମହିଳା କଏଦୀଙ୍କୁ ମୁକ୍ତ କରାଗଲେ ଏହା ଏକ କଏଦୀ ବିନିମୟରେ ରାଜି ହେବ ବୋଲି ହମାସ କତାରକୁ ସୂଚନା ଦେଇଛି।
ଶନିବାର ଗାଜା ଷ୍ଟ୍ରିପ ନିକଟରେ ଥିବା ଇସ୍ରାଏଲ ସହର ଉପରେ ହମାସ ଆଶ୍ଚର୍ଯ୍ୟଜନକ ଆକ୍ରମଣ କରିଥିଲା, ଏହା ପରେ ଇସ୍ରାଏଲ ଗାଜା ଉପରେ ପ୍ରତିଶୋଧ ପରାୟଣ ଆକ୍ରମଣ କରିଥିଲା।
ଏହି ଆକ୍ରମଣ ସମୟରେ ହାମାସ ଆତଙ୍କବାଦୀମାନେ ଗାଜା ଷ୍ଟ୍ରିପକୁ ଇସ୍ରାଏଲରୁ ପୃଥକ କରୁଥିବା ସୁରକ୍ଷା ବାଡ ଭାଙ୍ଗିଥିଲେ ଏବଂ ଆଖପାଖ ସମ୍ପ୍ରଦାୟ ଉପରେ ଆକ୍ରମଣ କରିଥିଲେ, ମହିଳାଙ୍କ ସମେତ ଅନେକ ଇସ୍ରାଏଲକୁ ହତ୍ୟା କରିଥିଲେ।
ରବିବାର ଦିନ ଗାଜା ସ୍ଥିତ ସ୍ବାସ୍ଥ୍ୟ ମନ୍ତ୍ରଣାଳୟର ସଦ୍ୟତମ ଅପଡେଟରେ କୁହାଯାଇଛି ଗାଜାରେ ଇସ୍ରାଏଲର ଏୟାର ଷ୍ଟ୍ରାଇକରେ ଆତଙ୍କବାଦୀଙ୍କ ମୃତ୍ୟୁ ସଂଖ୍ୟା ୪୧୩ କୁ ବୃଦ୍ଧି ପାଇଛି ଏବଂ ୨୩୦୦ ରୁ ଅଧିକ ଲୋକ ଆହତ ହୋଇଛନ୍ତି। ଇସ୍ରାଏଲର ରାଷ୍ଟ୍ରାୟତ୍ତ କାନ ଟିଭି ଖବର ଅନୁଯାୟୀ ଇସ୍ରାଏଲରେ ମୃତ୍ୟୁସଂଖ୍ୟା ୭୦୦ରୁ ଅଧିକ ପହଞ୍ଚିଛି ।
