ମସ୍କୋ,୮।୪ : ରୁଷିଆ-ୟୁକ୍ରେନ ଯୁଦ୍ଧ ବନ୍ଦ ହେବାର ନାମ ନେଉନାହିଁ। ଏପରିସ୍ଥଳେ ୟରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ତାଙ୍କ ହତ୍ୟା ସହିତ କରୋନା ସଂକ୍ରମଣ ଭୟ ଘରିବା ଆରମ୍ଭ କରିଛି। ସେ ନିଜ ଜୀବନ ବଞ୍ଚାଇବା ପାଇଁ ଗୁପ୍ତ ଟ୍ରେନ ଏବଂ ରାସ୍ତା ବ୍ୟବହାର କରୁଛନ୍ତି। ପୁଟିନଙ୍କ ସୁରକ୍ଷା ପାଇଁ ନିଆଯାଇଥିବା ସମସ୍ତ ପଦକ୍ଷେପ ସମ୍ପର୍କରେ ରୁଷିଆର ଫେଡେରାଲ ସିକ୍ୟୁରିଟି ସର୍ଭିସ (ଏଫଏସଓ) ର ପୂର୍ବତନ ଗାର୍ଡ ଗ୍ଲେବ କରାକୁଲୋଭ ସୂଚନା ଦେଇଛନ୍ତି।
କରକୁଲୋଭ କହିଛନ୍ତି ପୁଟିନଙ୍କର ବିଭିନ୍ନ ସହରରେ ସମାନ କାର୍ଯ୍ୟାଳୟ ଅଛି। ସେ କେଉଁଠାରେ ଅଛନ୍ତି ତାହାକୁ ଲୁଚାଇବା ପାଇଁ ଏକ ଗୁପ୍ତ ଟ୍ରେନ ନେଟୱାର୍କ ବ୍ୟବହାର କରୁଛନ୍ତି। ରାଜନୈତିକ ସୂଚନା ସଂଗଠନ ଡୋସିଅର୍ ସେଣ୍ଟରକୁ ଦେଇଥିବା ଏକ ସାକ୍ଷାତକାରରେ ପୁଟିନଙ୍କ ସହ ଜଡିତ ଏହି ସୂଚନା ଗ୍ଲେବ କରକୁଲୋଭ ଦେଇଛନ୍ତି। ଏହରା ସହିତ ପୁଟିନ କରୋନାକୁ ମଧ୍ୟ ଅଧିକ ଭୟ କରୁଛନ୍ତି। ସେ ଅଧିକାଂଶ ସମୟ ବଙ୍କର୍ରେ ଥିବା ତାଙ୍କ ବ୍ୟକ୍ତିଗତ ବାସଗୃହରେ ବିତାଉଛନ୍ତି। ଏହା ସହିତ ସେ ଲୋକଙ୍କଠାରୁ ଦୂରଇ ରହୁଛନ୍ତି।
ସେ ଏବେବି କରୋନା ମହାମାରୀ ସମୟରେ ଲଗାଯାଇଥିବା ଲକଡାଉନ ନିୟମ ପାଳନ କରୁଛନ୍ତି। ସେ ଫୋନ କିମ୍ବା ଇଣ୍ଟରନେଟ ବ୍ୟବହାର କରନ୍ତି ନାହିଁ । ସୂଚନା ପାଇବା ପାଇଁ ପୁଟିନ ତାଙ୍କ ନିକଟବର୍ତ୍ତୀ ଲୋକଙ୍କ ସାହାଯ୍ୟ ନିଅନ୍ତି।
ଦୀର୍ଘ ସମୟ ଯାତ୍ରା ସମୟରେ ସେ ତାଙ୍କ ବ୍ୟକ୍ତିଗତ ଗାଡି ବ୍ୟବହାର କରୁଛନ୍ତି। ପୁଟିନଙ୍କ ଗୁପ୍ତ ସେବା ନକଲି ମୋଟରସାଇକେଲ ଏବଂ ବିମାନ ବ୍ୟବହାର କରି ସେମାନଙ୍କ କାର୍ଯ୍ୟକଳାପକୁ ବିଦେଶୀ ଗୁପ୍ତଚରରୁ ଲୁଚାଇବା ଏବଂ କୌଣସି ହତ୍ୟା ଉଦ୍ୟମକୁ ରୋକିବା ପାଇଁ ବ୍ୟବହାର କରିଥାଏ। ଏହାର କାରଣ ହେଉଛି ଏହି ଯାନଗୁଡିକ ଟ୍ରାକ କରାଯାଇପାରିବ ନାହିଁ ।
ଅନ୍ୟ ଦେଶ ଗସ୍ତ ସମୟରେ ଭ୍ଲାଦିମିର ପୁଟିନ ତାଙ୍କ ସହ ଏକ ଟେଲିଫୋନ ବୁଥ ନେଇଥାନ୍ତି, ଯେଉଁଥିରେ ୱର୍କଷ୍ଟେଶନ ଏବଂ ଟେଲିଫୋନ ରହିଥାଏ। ଏଥିସହ ଅଗ୍ନିଶମ କର୍ମଚାରୀ, ଖାଦ୍ୟ ପରୀକ୍ଷଣକାରୀ ଏବଂ ଇଞ୍ଜିନିୟର ରାଷ୍ଟ୍ରପତିଙ୍କ ବିଦେଶ ଗସ୍ତ ସମୟରେ କାର୍ଯ୍ୟ କରୁଛନ୍ତି।
