ପୁରୀ,୧୮।୭: ଭିତର ରତ୍ନଭଣ୍ଡାର ସ୍ଥିତି ନେଇ ବରିଷ୍ଠ ସେବାୟତ ଦୁର୍ଗା ଦାସମହାପାତ୍ର ବଡ଼ ପ୍ରତିକ୍ରିୟା ଦେଇ କହିଛନ୍ତି ବାହାର ପଟୁ ଗୋଟିଏ ଫାଟ ଦୃଶ୍ୟମାନ ହେଉଛି। ଭିତରେ ୪ଟି ପଥର ଖସି ପଡ଼ିଥିବାର ଆମେ ଦେଖିବାକୁ ପାଇଲୁ। ଅଧିକ କ୍ଷୟକ୍ଷତି ନଜରକୁ ଆସିଲା ନାହିଁ। ଚଟାଣ କାନ୍ଥ ସେପରି ସନ୍ତସନ୍ତିଆ ନାହିଁ। ତଥାପି ମରାମତି କରିବାର ଆବଶ୍ୟକତା ରହିଛି। କିପରି ମରାମତି ହେବ ତାହା କେବଳ ଏଏସଆଇ କହିପାରିବ। ଆଲମିରା ଓ ସିନ୍ଦୁକ ଭିତରେ ଛୋଟ ଛୋଟ କଣ୍ଟେନର ରହିଥିଲା ତେଣୁ କେଉଁ କଣ୍ଟେନର ଭିତରେ କେଉଁ ଅଳଙ୍କାର ଅଛି କେହି ଜାଣି ନାହାନ୍ତି।
ଭିତର ରତ୍ନଭଣ୍ଡାର ଖୋଲି ସମସ୍ତ ଅଳଙ୍କାର ସ୍ଥାନାନ୍ତର କରାଯାଇ ଅସ୍ଥାୟୀ ଷ୍ଟ୍ରଙ୍ଗରୁମରେ ରଖାଯାଇଛି । ରତ୍ନଭଣ୍ଡାର ଭିତରେ ଥିବା ୫ଟି ଆଲମିରା ଓ ୩ଟି ସିନ୍ଦୁକକୁ ମଧ୍ୟ ବାହାରକୁ ଅଣାଯାଇଛି।
