ଇସଲାମାବାଦ, ୨୫।୪: ଜମ୍ମୁ ଓ କାଶ୍ମୀରର ଅନନ୍ତନାଗ ଜିଲାର ପହଲଗାମ ନିକଟସ୍ଥ ବୈସରନ ଉପତ୍ୟକାରେ ୨୨ ଏପ୍ରିଲ ୨୦୨୫ରେ ଘଟିଥିବା ଆତଙ୍କବାଦୀ ଆକ୍ରମଣକୁ ନେଇ ପାକିସ୍ତାନର ରାଜଧାନୀ ଇସଲାମାବାଦରେ ଥିବା ଭାରତୀୟ ଉଚ୍ଚାୟୋଗ ବାହାରେ ତୀବ୍ର ପ୍ରତିବାଦ ଦେଖାଦେଇଛି। ଏହି ଆକ୍ରମଣରେ ୨୬ରୁ ୨୮ ଜଣ ପର୍ଯ୍ୟଟକ ଓ ସ୍ଥାନୀୟ ଲୋକଙ୍କ ମୃତ୍ୟୁ ଘଟିଥିବା ବେଳେ ୨୦ରୁ ଅଧିକ ଲୋକ ଆହତ ହୋଇଛନ୍ତି। ଏହାକୁ ପାକିସ୍ତାନ ଆଧାରିତ ଆତଙ୍କବାଦୀ ସଂଗଠନ ଲସ୍କର-ଏ-ତୋଇବାର ଏକ ଶାଖା ‘ଦି ରେସିଷ୍ଟାନ୍ସ ଫ୍ରଣ୍ଟ (ଟିଆରଏଫ)’ ଦାୟିତ୍ୱ ନେଇଛି।
ଏହି ଘଟଣାରେ ପ୍ରତିକ୍ରିୟା ପ୍ରକାଶ କରି ଭାରତ ସରକାର ପାକିସ୍ତାନ ସହ କୂଟନ ସିନ୍ଧୁ ନଦୀ ଚୁକ୍ତି ରଦ୍ଦ, ଅଟାରୀ-ୱାଘା ସୀମା ବନ୍ଦ, ଏବଂ ପାକିସ୍ତାନୀ ନାଗରିକଙ୍କୁ ଭାରତ ଛାଡ଼ିବାକୁ ନିର୍ଦ୍ଦେଶ ଦେଇଛନ୍ତି। ଏହି ନିଷ୍ପତ୍ତିକୁ ନେଇ ପାକିସ୍ତାନରେ ଅସନ୍ତୋଷ ଦେଖାଦେଇଛି, ଯାହା ଇସଲାମାବାଦରେ ଭାରତୀୟ ଉଚ୍ଚାୟୋଗ ବାହାରେ ପ୍ରତିବାଦରେ ପରିଣତ ହୋଇଛି।
Tense scenes outside the Indian High Commission in Islamabad as protesters rally against India’s recent actions. Some attempted to scale the gate, while others are moving toward the mission. Heavy security deployed. #Islamabad #Protest #pahlagam#IndiaPakistan pic.twitter.com/6WvMcKXpne
— Ghulam Abbas Shah (@ghulamabbasshah) April 24, 2025
ଗୁରୁବାର ଇସଲାମାବାଦରେ ଭାରତୀୟ ଉଚ୍ଚାୟୋଗ ବାହାରେ ଶହଶହ ପ୍ରଦର୍ଶନକାରୀ ଏକତ୍ରିତ ହୋଇ ଭାରତ ସରକାରଙ୍କ ଏହି ପଦକ୍ଷେପ ବିରୋଧରେ ସ୍ଲୋଗାନ ଦେଇଥିଲେ। କିଛି ପ୍ରଦର୍ଶନକାରୀ ଉଚ୍ଚାୟୋଗର ଗେଟରେ ଚଢ଼ିବାକୁ ଚେଷ୍ଟା କରିଥିଲେ, ଆଉ କେତେକ ଦଫ୍ତର ଭିତରେ ତାଣ୍ଡବ କରିଥିଲେ। ସ୍ଥାନୀୟ ପୋଲିସ ଓ ସୁରକ୍ଷା ବାହିନୀ ପରିସ୍ଥିତିକୁ ନିୟନ୍ତ୍ରଣକୁ ଆଣିବାକୁ ବ୍ୟାପକ ବଳ ପ୍ରୟୋଗ କରିଥିଲେ। ଅନେକ ପ୍ରଦର୍ଶନକାରୀଙ୍କୁ ଗିରଫ କରାଯାଇଥିବା ଜଣାପଡ଼ିଛି, ଯଦିଓ ସଠିକ ସଂଖ୍ୟା ସ୍ପଷ୍ଟ ହୋଇନାହିଁ।
ପାକିସ୍ତାନ ସରକାର ଏହି ପ୍ରତିବାଦକୁ ‘ଅନିୟନ୍ତ୍ରିତ’ ବୋଲି ଅଭିହିତ କରି ଏହା ସହ ଜଡ଼ିତ ନଥିବା ଦାବି କରିଛନ୍ତି। ତେବେ, ସାମାଜିକ ଗଣମାଧ୍ୟମରେ ପ୍ରଚାରିତ ଭିଡିଓ ଓ ଫଟୋରେ ଦେଖାଯାଇଛି ଯେ, ପ୍ରଦର୍ଶନକାରୀମାନେ ଭାରତ ବିରୋଧୀ ସ୍ଲୋଗାନ ଦେବା ସହ ପାକିସ୍ତାନ ସରକାରଙ୍କୁ ଭାରତ ବିରୁଦ୍ଧରେ କଠୋର ପଦକ୍ଷେପ ନେବାକୁ ଦାବି କରୁଛନ୍ତି।
ଭାରତୀୟ ବୈଦେଶିକ ମନ୍ତ୍ରାଳୟ ଏହି ଘଟଣାକୁ ‘ଅତ୍ୟନ୍ତ ନିନ୍ଦନୀୟ’ ବୋଲି କହି ପାକିସ୍ତାନ ସରକାରଙ୍କୁ ଉଚ୍ଚାୟୋଗର ସୁରକ୍ଷା ନିଶ୍ଚିତ କରିବାକୁ ଏବଂ ଏହାର ତଦନ୍ତ କରି ଦୋଷୀମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବାକୁ କହିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ପହଲଗାମ ଆକ୍ରମଣକୁ ନିନ୍ଦା କରି କହିଛନ୍ତି ଯେ, ଭାରତ ଏହାର କଡା ଜବାବ ଦିଆଯିବ।
