ଛତ୍ରପୁର, ୧୮।୩ (ସନ୍ତୋଷ ପାଢ଼ୀ ): ଓଡ଼ିଶା ସରକାରୀ ଆଉଟସୋର୍ସିଂ କର୍ମଚାରୀ ମହାସଂଘ ଗଞ୍ଜାମ ଜିଲା ପକ୍ଷରୁ ୩ ଦଫା ଦାବି ନେଇ ମଙ୍ଗଳବାର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଅତିରିକ୍ତ ଜିଲାପାଳଙ୍କୁ ଏକ ସ୍ମାରକପତ୍ର ପ୍ରଦାନ କରାଯାଇଛି । ଦାବିଗୁଡିକ ମଧ୍ୟରେ ଛଟେଇ କରାଯାଇଥିବା କର୍ମଚାରୀମାନଙ୍କୁ ପୁନଃନିଯୁକ୍ତ ଓ ବିଭିନ୍ନ ବିଭାଗରୁ ଆଉ କୌଣସି ନିଯୁକ୍ତ ନ କରିବା ଏବଂ ସମସ୍ତ ଆଉଟସୋର୍ସ କର୍ମଚାରୀଙ୍କୁ ଚାକିରି ସୁରକ୍ଷା ପ୍ରଦାନ ରହିଛି। ସେହିପରି
ସେବା ପ୍ରଦାନକାରୀଙ୍କ ମାଧ୍ୟମରେ ନିୟୋଜିତ କର୍ମଚାରୀମାନଙ୍କୁ ସମାନ ନ୍ୟାୟ ପ୍ରଦାନ ଓ ଆଉଟସୋର୍ସ କର୍ମଚାରୀ ଭାବରେ ବ୍ୟବହାର କରିବା, ସମସ୍ତ ଆଉଟସୋର୍ସ କର୍ମଚାରୀଙ୍କୁ ସେମାନଙ୍କର ଅଭିଜ୍ଞତା, କଠିନ ପରିଶ୍ରମ ଏବଂ ସେବାର ସନ୍ତୋଷଜନକତାକୁ ବିଚାର କରି ନିୟମିତ କରିବା ରହିଛି । ରାଜ୍ୟ ସଂଘ ବାରମ୍ବାର ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଆସୁଛି, କିନ୍ତୁ ଏପର୍ଯ୍ୟନ୍ତ କୌଣସି ପଦକ୍ଷେପ ନିଆଯାଇନାହିଁ। ଯଦି ଦାବି ୧୯ ମାର୍ଚ୍ଚ କିମ୍ବା ପୂର୍ବରୁ ପୂରଣ ନ ହୁଏ ତେବେ ୨୪ ମାର୍ଚ୍ଚରେ ଭୁବନେଶ୍ୱରସ୍ଥିତ ଗାନ୍ଧୀ ମାର୍ଗରେ ଅର୍ନିଦ୍ଦିଷ୍ଟ କାଳ ପାଇଁ ପ୍ରତିବାଦ ଓ ଆନ୍ଦୋଳନ କରିବେ ବୋଲି ଉକ୍ତ ସ୍ମାରକପତ୍ରରେ ଉଲ୍ଲେଖ କରାଯାଇଛି।
