ନୂଆଦିଲ୍ଲୀ,୧୭।୧୨: ଭାରତୀୟ ଦଳର ଷ୍ଟାର ଓପନର ପୃଥ୍ୱୀ ଶ’ ପୁଣିଥରେ ଚର୍ଚ୍ଚାକୁ ଆସିଛନ୍ତି। ମୁମ୍ବାଇ ଦଳରୁ ବାଦ ପଡ଼ିବା ପରେ ଏଥର ସେ କଡା ପ୍ରତିକ୍ରିୟା ପ୍ରକାଶ କରିଛନ୍ତି। ବିସିସିଆଇର ଘରୋଇ ଟୁର୍ନାମେଣ୍ଟ ବିଜୟ ହଜାର ଟ୍ରଫି ୨୧ ଡିସେମ୍ବରରୁ ୧୮ ଜାନୁଆରୀ ପର୍ୟ୍ୟନ୍ତ ଅନୁଷ୍ଠିତ ହେବାକୁ ଯାଉଛି। ଏଥିରେ ୩୮ ଟିମ୍ ଅଂଶଗ୍ରହଣ କରିବେ। ଏଥିପାଇଁ ସମସ୍ତ ଦଳ ଟିମ୍ ଘୋଷଣା କରିଦେଇଛନ୍ତି।
ଏହି କ୍ରମରେ ମୁମ୍ବାଇ ୧୭ ଜଣିଆ ଦଳ ଘୋଷଣା କରିଛି। ତେବେ ନିକଟରେ ଶେଷ ହୋଇଥିବା ସୟଦ ମୁସ୍ତାକ ଅଲି ଟ୍ରଫିରେ ଖରାପ ପ୍ରଦର୍ଶନ ପାଇଁ ମୁମ୍ବାଇ ଦଳରୁ ପୃଥ୍ୱୀଙ୍କୁ ବାଦ ଦିଆଯାଇଛି। ପୂର୍ବରୁ ସୟଦ ମୁସ୍ତାକ ଅଲି ଟ୍ରଫିରୁ ମଧ୍ୟ ତାଙ୍କୁ ବାଦ କରିଦିଆଯାଇଥିଲା। ତେଣୁ ପୁନର୍ବାର ତାଙ୍କୁ ଦଳରୁ ବାଦ କରାଯିବାରୁ ସେ ନିଜର କ୍ଷୋବ ପ୍ରକାଶ କରିଛନ୍ତି।
ଇନଷ୍ଟାଗ୍ରାମରେ ପୃଥ୍ୱୀ ଏକ ଷ୍ଟୋରି ପୋଷ୍ଟ କରି ନିଜର ପ୍ରଥମ ଶ୍ରେଣୀ ରେକର୍ଡ ଦର୍ଶାଇ ଲେଖିଛନ୍ତି, ”ମୋତେ କୁହ ଭଗବାନ, ମତେ ଆଉ କଣ ଦେଖିବାକୁ ପଡିବ…। ଯଦି ୬୫ ଇନିଂସ, ୫୫.୭ ହାର ଏବଂ ୧୨୬ ଷ୍ଟ୍ରାଇକ ରେଟରେ ୩୩୯୯ ରନ୍ କରିବା ପରେ ମଧ୍ୟ ମୁଁ ସେତିକି ଯୋଗ୍ୟ ନୁହେଁ…। କିନ୍ତୁ ମୋର ଆପଣଙ୍କ ଉପରେ ବିଶ୍ୱାସ ରହିଛି। ଆଶା ଅଛି ଏବେ ମଧ୍ୟ ଲୋକମାନେ ମୋ ଉପରେ ଭରସା କରୁଛନ୍ତି। କାରଣ ମୁଁ ନିଶ୍ଚିତ ପ୍ରତ୍ୟାବର୍ତନ କରିବି। ଓମ ସାଇ ରାମ। ”
