ଓ୍ବାଶିଂଟନ୍,୫।୭: ଆମେରିକାର ରାଷ୍ଟ୍ରପତି ଜୋ ବାଇଡେନ୍ ଯଥାସମ୍ଭବ ଶୋଇବାକୁ ଡେମୋକ୍ରାଟିକ ଗଭର୍ନର ଗୋଷ୍ଠୀକୁ ନିବେଦନ କରିଛନ୍ତି। କମ ଘଣ୍ଟା କାମ କରିବାକୁ ଏବଂ ରାତି ୮ଟା ପରେ କାର୍ଯ୍ୟକ୍ରମକୁ ନ ଯିବାକୁ ମଧ୍ୟ କୁହାଯାଇଛି।
ରିପବ୍ଲିକାନ ପ୍ରତିଦ୍ୱନ୍ଦ୍ୱୀ ଡୋନାଲ୍ଡ ଟ୍ରମ୍ପଙ୍କ ସହ ଗତ ସପ୍ତାହରେ ହୋଇଥିବା ବିତର୍କରେ ତାଙ୍କର ଖରାପ ପ୍ରଦର୍ଶନ ପରେ ବର୍ତ୍ତମାନର ରାଷ୍ଟ୍ରପତି ଜୋ ବାଇଡେନଙ୍କ ଉପରେ ସମସ୍ତ ଧ୍ୟାନ ଦିଆଯାଇଛି। ଟ୍ରମ୍ପଙ୍କ ବିଷୟରେ କହିବା ପରିବର୍ତ୍ତେ ବାଇଡେନ ଉଭୟ ରିପବ୍ଲିକାନ ଏବଂ ଡେମୋକ୍ରାଟଙ୍କ ପାଇଁ ଧ୍ୟାନର କେନ୍ଦ୍ର ପାଲଟିଛନ୍ତି।
ମାନସିକ ଏବଂ ଶାରୀରିକ ସୁସ୍ଥତା ବିଷୟରେ ପାର୍ଟିରେ ବଢୁଥିବା ଚିନ୍ତାକୁ ଶାନ୍ତ କରିବା ପାଇଁ ବାଇଡେନ ଉପରାଷ୍ଟ୍ରପତି କମଲା ହାରିସ ଏବଂ ଡେମୋକ୍ରାଟିକ ଗଭର୍ନରଙ୍କୁ ଭେଟିଥିଲେ। ଏକ ରିପୋର୍ଟ ଅନୁଯାୟୀ, ବାଇଡେନ ୧୨ରୁ ଅଧିକ ଡେମୋକ୍ରାଟିକ ଗଭର୍ନରଙ୍କ ଏକ ଗୋଷ୍ଠୀକୁ କହିଛନ୍ତି ଯେ, ସେମାନଙ୍କୁ ଅଧିକ ଶୋଇବାକୁ, କମ ଘଣ୍ଟା କାମ କରିବାକୁ ଏବଂ ରାତି ୮ଟା ପରେ ଇଭେଣ୍ଟକୁ ନ ଯିବାକୁ କୁହାଯାଇଛି।
ବାଇଡେନଙ୍କ ଖରାପ ପ୍ରଦର୍ଶନ ପରେ ତାଙ୍କୁ ରାଷ୍ଟ୍ରପତି ପ୍ରାର୍ଥୀରୁ ହଟାଇବା ପାଇଁ ଡେମୋକ୍ରାଟ ପାର୍ଟି ମଧ୍ୟରେ ଦାବି ବଢିବାରେ ଲାଗିଛି। ଏହି ଆଲୋଚନା ପୂର୍ବରୁ ମଧ୍ୟ ସେଠାରେ ଥିଲା, କିନ୍ତୁ ବିତର୍କ ପରେ ଏହି ବିଷୟରେ ସ୍ବର ଅଧିକ ଆରମ୍ଭ ହେବାକୁ ଲାଗିଲା।
