ପରଜଙ୍ଗ,୯ା୨(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ବ୍ଲକ ସରାଙ୍ଗ ସ୍ଥିତ ପିଏମଶ୍ରୀ ଜବାହାର ନବୋଦୟ ବିଦ୍ୟାଳୟ ପରିସରରେ ସୋମବାର ଜିଲାସ୍ତରୀୟ ପ୍ରେରଣା ଉତ୍ସବ ପାଳିତ ହୋଇଯାଇଛି । ବିଦ୍ୟାଳୟର ଅଧ୍ୟକ୍ଷା ଡକ୍ଟର ପ୍ରତିମା ମିଶ୍ର ବିଭିନ୍ନ ବିଦ୍ୟାଳୟରୁ ଆସିଥିବା ଉତ୍କର୍ଷ ପ୍ରତିଭାମାନଙ୍କୁ ଅଭିବାଦନ କରିଥିଲେ ।
ଶିକ୍ଷା ମନ୍ତ୍ରାଳୟ, ଭାରତ ସରକାରଙ୍କ ଦ୍ୱାରା ପରିକଳ୍ପିତ ଏହି ପ୍ରେରଣା ଉତ୍ସବ ମାଧ୍ୟମରେ ଢେଙ୍କାନାଳ ଜିଲାର ୩୦ ଜଣ ଛାତ୍ରୀଛାତ୍ର ଜାତୀୟ ସ୍ତର ପାଇଁ ମନୋନୀତ ହେଲେ । ସେମାନେ ପ୍ରବନ୍ଧ ଲିଖନ, କବିତା ପଠନ, ଚିତ୍ରାଙ୍କନ, ଗଳ୍ପ କଥନ, କେରିକେଚର ଇତ୍ୟାଦି ବହୁବିଧ ବିଭାଗରେ ନିଜର ଅନ୍ତର୍ନିହିତ କଳା ଓ ପ୍ରତିଭା ଦେଖେଇ ଥିଲେ । ସ୍ନାତକତ୍ତୋର ଇତିହାସ ଶିକ୍ଷକ ପଞ୍ଚାନନ ଜେନା ମଞ୍ଚ ସଞ୍ଚାଳନ କରିଥିବା ବେଳେ ସ୍ନାତକ ଗଣିତ ଶିକ୍ଷକ ଜିତେନ୍ଦ୍ର ନାୟକ ଚୟନ ପ୍ରକ୍ରିୟାକୁ ତ୍ୱରାନ୍ୱିତ କରିଥିଲେ ।
