କାନପୁର,୮।୧ : ଅଯୋଧ୍ୟାରେ ରାମ ମନ୍ଦିରର ପବିତ୍ର କାର୍ଯ୍ୟକ୍ରମ ବିଷୟରେ ସବୁଠାରେ ଉତ୍ସାହ ଦେଖିବାକୁ ମିଳୁଛି। ରାମଲାଲାଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଏକ ଶୁଭ ସମୟରେ ଅନୁଷ୍ଠିତ ହେବ। ଏହାକୁ ଦୃଷ୍ଟିରେ ରଖି ଅନେକ ଗର୍ଭବତୀ ମହିଳା, ଯେଉଁମାନଙ୍କର ପ୍ରସବ ସେହି ସମୟ ପାଖାପାଖି ରହିଛି, ସେମାନେ ଚାହୁଁଛନ୍ତି ଯେ କେବଳ ସେହି ଦିନ ସେମାନଙ୍କର ସନ୍ତାନ ଜନ୍ମ ହୁଅନ୍ତୁ। ଅନେକ ଗର୍ଭବତୀ ମହିଳା ପ୍ରସବ ପାଇଁ ସରକାରୀ ଡାକ୍ତରଖାନାର ସିଜରିଆନ ବିଭାଗରେ ଡାକ୍ତରମାନଙ୍କୁ ଏନେଇ ଅନୁରୋଧ କରିଛନ୍ତି।
ଗଣେଶ ଶଙ୍କର ବିଦ୍ୟାଧର ମେମୋରିଆଲ ମେଡିକାଲ କଲେଜର ପ୍ରସୂତି ଏବଂ ସ୍ତ୍ରୀ ରୋଗ ବିଭାଗର ଦାୟିତ୍ୱରେ ଥିବା ସୀମା ଦ୍ୱିବେଦୀ କହିଛନ୍ତି ଗୋଟିଏ ଲେବର ରୁମରେ ୧୨ ରୁ ୧୪ ସିଜରିଆନ ପ୍ରସବ ପାଇଁ ସେ ଲିଖିତ ଅନୁରୋଧ ଗ୍ରହଣ କରିଛନ୍ତି। ଦ୍ୱିବେଦୀ କହିଛନ୍ତି ଜାନୁଆରୀ ୨୨ ରେ ୩୫ ସିଜରିଆନ ପ୍ରସବ ପାଇଁ ବ୍ୟବସ୍ଥା କରାଯାଉଛି।
ଗର୍ଭବତୀ ମହିଳା ଏବଂ ସେମାନଙ୍କ ପରିବାର ସଦସ୍ୟ ଡାକ୍ତରମାନଙ୍କୁ ଅନୁରୋଧ କରୁଛନ୍ତି ଯଦିଓ ସେମାନଙ୍କର ପ୍ରସବ ତାରିଖ ଜାନୁୟାରୀ ୨୨ର କିଛି ଦିନ ପୂର୍ବରୁ କିମ୍ବା ପରେ ଅଛି ତେବେ ଏହାକୁ ପ୍ରାଣ ପ୍ରତିଷ୍ଠା କରାଯାଉ। ଏହା ଏକ ଶୁଭ ଦିନ ଭାବରେ ବିବେଚନା କରାଯାଉଛି। ତେଣୁ ସେମାନେ ସେହି ଦିନ ନିଜ ସନ୍ତାନଙ୍କୁ ଜନ୍ମ ଦେବାକୁ ଚାହାନ୍ତି। ଦ୍ୱିବେଦୀ କହିଛନ୍ତି ଗର୍ଭବତୀ ମା‘ମାନେ ସାଧାରଣତଃ ପୁରୋହିତଙ୍କ ଠାରୁ ଶୁଭ ତାରିଖ ଏବଂ ସମୟ ସମ୍ପର୍କରେ ଅବଗତ ହୋଇ ସେହି ଦିନ ପ୍ରସବ ପାଇଁ ଅନୁରୋଧ କରିଥାନ୍ତି ।
ମାତ୍ର ଏବେ ରାମଲାଲାଙ୍କ ପ୍ରାଣପ୍ରତିଷ୍ଠା ଦିନ ପ୍ରସବ କରାଇବା ଲାଗି ମା‘ମାନେ ଚାହୁଁଛନ୍ତି। ଡାକ୍ତର କହିଛନ୍ତି ଏହା ଚିନ୍ତାଜନକ ଯେ ବେଳେବେଳେ ପରିବାର ସଦସ୍ୟ ଆଶା କରନ୍ତି ଯେ ମା ଏବଂ ଶିଶୁଙ୍କ ପାଇଁ ହେଉଥିବା ଜଟିଳତାକୁ ଆମେ ଅଣଦେଖା କରିବୁ।
ମାତ୍ର ଆମ ପାଇଁ ଏଭଳି କରିବା ଅସମ୍ଭବ। ପ୍ରସବ ପାଇଁ ସ୍ଥିତି ଠିକ ଥିଲେ ଆମେ ଏହା କରି ପାରିବୁ। ଏଥିରେ ପରିବାର ସଦସ୍ୟଙ୍କ ଇଛାକୁ ଗ୍ରହଣ କରାଯିବ ନାହିଁ। ଆମ ପାଇଁ ସୁରକ୍ଷିତ ପ୍ରସବ ଚିକିତ୍ସା ସର୍ବୋପରି।
ସାଇକୋଲୋଜିଷ୍ଟ ଦିବ୍ୟା ଗୁପ୍ତା କହିଛନ୍ତି ଲୋକମାନେ ବିଶ୍ୱାସ କରନ୍ତି ଯଦି କୌଣସି ଶିଶୁ ଶୁଭ ସମୟରେ ଜନ୍ମ ହୁଏ, ତେବେ ଏହା ଶିଶୁର ବ୍ୟକ୍ତିତ୍ୱ ଉପରେ ସକାରାତ୍ମକ ପ୍ରଭାବ ପକାଇଥାଏ। ଗୁପ୍ତା କହିଛନ୍ତି, ବେଳେବେଳେ ଧର୍ମ ଏବଂ ଆଧ୍ୟାତ୍ମିକତା ଜଣେ ବ୍ୟକ୍ତିକୁ ଜୀବନର ଚାପକୁ ସାମ୍ନା କରିବାକୁ ଶକ୍ତି ଦେଇଥାଏ ଏବଂ ଏକ ସକାରାତ୍ମକ ଦୃଷ୍ଟିକୋଣ ଥାଏ ।
