ଦାରିଙ୍ଗବାଡି,୯।୧(ଅରୁଣ ସାହୁ): ବ୍ୟସ୍ତମୟ ଜୀବନରେ ଟିକିଏ ହସିବା ପାଇଁ ସମୟ ନ ଥାଏ କି ଚାପଗ୍ରସ୍ତ ମନୁଷ୍ୟକୁ ଟିକିଏ ହସ ଆସି ନ ଥାଏ। କିନ୍ତୁ ଯେତେବେଳେ ଟିକିଏ ସମୟ ମିଳେ କିମ୍ବା ମନୋରଞ୍ଜନର ବ୍ୟବସ୍ଥା ଥାଏ ସେଠି ଆପେ ଆପେ ହସ ଆସିଯାଇଥାଏ। ଗୁରୁବାର ଠାରୁ ଦାରିଙ୍ଗବାଡିରେ ଶୀତ ମହୋତ୍ସବ-୨୦୨୬ର ଶୁଭାରମ୍ଭ ହୋଇଯାଇଛି ପ୍ରଥମ ଦିନରେ ଅନେକ ସୁନାମଧନ୍ୟ କଳାକାର ଯୋଗଦେଇଥିବାବେଳେ ହାସ୍ୟ ଅଭିନେତା ପ୍ରଜ୍ଞାନ ଏବଂ ଶଙ୍କର ଯୋଡିଙ୍କ ଅଭିନୟ ତଥା କମେଡି ସମସ୍ତଙ୍କ ମୁହଁରେ ଆଣିଦେଇଥିଲା ହସ। ମହୋତ୍ସବରେ ଯେତେ ଦର୍ଶକ ଉପସ୍ଥିତ ରହିଥିଲେ ସମସ୍ତେ ହସି ହସି ବେଦମ ହୋଇଯାଇଥିଲେ।
ବିଶେଷ କରି ଦୁଇ କମେଡି ଯୋଡିଙ୍କ ମଧ୍ୟରେ ଶଙ୍କର ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନକଲି କରିଥିବାବେଳେ ପ୍ରଜ୍ଞାନ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନକଲି କରି ସମସ୍ତଙ୍କୁ ହସାଇଥିଲେ।
ସୂଚନାଯୋଗ୍ୟ ଯେ, ଏହି ମହୋତ୍ସବକୁ ଜିଲା ପ୍ରଶାସନର ସହଯୋଗ ରେ ସ୍ଥାନୀୟ ପ୍ରଶାସନ ମହୋତ୍ସବକୁ ଆୟୋଜନ କରିଛି। ମହୋତ୍ସବର ସମ୍ପାଦକ ତଥା ଦାରିଙ୍ଗବାଡି ବିଡ଼ିଓ ପ୍ରୀତିରଞ୍ଜନ ରଥଙ୍କ ତତ୍ୱାବଧାନରେ ମହୋତ୍ସବ ଅନୁଷ୍ଠିତ ହୋଇଯାଇଛି। ଦାରିଙ୍ଗବାଡିର ବିଭିନ୍ନ ରାଜନୈତିକ ଦଳ, ହୋଟେଲ ସଂଘ, ବଣିକ ସଂଘ, ବୋଲବମ ସଂଘ, ପାଳକ ସଂଘ, ସ୍ବେଛାସେବୀ ଅନୁଷ୍ଠାନ,ସମେତ ସ୍ଥାନୀୟ ଲୋକଙ୍କ ସହଯୋଗରେ ମହୋତ୍ସବ ଅନୁଷ୍ଠିତ ହେଉଛି।
Dharitri – Odisha’s No.1 Odia Daily
