ନୂଆଦିଲ୍ଲୀ,୧।୪ : ଦେଶର ସୁରକ୍ଷା ବ୍ୟବସ୍ଥାକୁ ଅଧିକ ସଶକ୍ତ କରିବାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ନିୟୋଜିତ ଅଛନ୍ତି। ଏହି ପରିପ୍ରେକ୍ଷୀରେ, ପ୍ରତିରକ୍ଷା ମନ୍ତ୍ରଣାଳୟ ୧୭୦୦ କୋଟିରୁ ଅଧିକ ମୂଲ୍ୟରେ ନୌସନା ପାଇଁ ୧୩ ଏଲଓ୍ବାଇଏନଏକ୍ସୟୁ-୨ ଫାୟାର କଣ୍ଟ୍ରୋଲ ସିଷ୍ଟମ କ୍ରୟ ପାଇଁ ଏକ ଚୁକ୍ତିନାମା ସ୍ବାକ୍ଷର କରିଛି। ଏଥି ସହିତ ନୌସେନାର ପୂର୍ବତନ ଉପମୁଖ୍ୟ, ଭାଇସ ଆଡମିରାଲ ଏସ.ଏନ ଘୋରମଡେ ମଧ୍ୟ ନୌସେନାର ବଢୁଥିବା ଶକ୍ତି ବିଷୟରେ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି।
ସେ ଶନିବାର କହିଛନ୍ତି, ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱାଧୀନ କ୍ୟାବିନେଟ କମିଟି ୬ ଟି ନୂଆ ଜେନେରେଶନ କ୍ଷେପଣାସ୍ତ୍ର ସଶସ୍ତ୍ର ଜାହାଜ ଏବଂ ୧୧ ନୂଆ ବିକଶିତ ଜେନେରେଶନ ଅଫଶୋର ପାଟ୍ରୋଲିଂ ଜାହାଜ ସମେତ ଦୁଇଟି ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ ଅନୁମୋଦନ କରିଛି। ଏହାଦ୍ୱାରା ଭାରତୀୟ ନୌସେନାର ସାମର୍ଥ୍ୟରେ ବୃଦ୍ଧି ଘଟିବ।
ସେ ଆହୁରି ମଧ୍ୟ କହିଛନ୍ତି ଯେ ଏହା ନୌସେନାରୁ ପୁରୁଣା କ୍ଷେପଣାସ୍ତ୍ର ଜାହାଜକୁ ବଦଳାଇବ। ଏହା ନୌସେନା ତଥା ଦେଶର ସୁରକ୍ଷାକୁ ବୃଦ୍ଧି କରିବ । ଏହି ଅଫଶୋର ପାଟ୍ରୋଲିଂ ଜାହାଜଗୁଡ଼ିକ ସମୁଦ୍ରରେ ଆମକୁ ଅଧିକ ନୀରିକ୍ଷଣ କ୍ଷମତା ପ୍ରଦାନ କରିବ। ବିଶାଳ ଭାରତ ମହାସାଗରକୁ ଦୃଷ୍ଟିରେ ରଖି ଆମର ମିଶନ-ଆଧାରିତ ନିୟୋଜନର ଏକ ଅଂଶ ଭାବରେ ଆମେ ନଜର ରଖିବା ଏବଂ ଟ୍ରାକ କରିବା ଜରୁରୀ ଅଟେ ବୋଲି ସେ କହିଛନ୍ତିି।
