ମୁମ୍ବାଇ: ଅଭିନେତ୍ରୀ ପୂଜା ହେଗ୍ଡେ ‘ରାଧେ ଶ୍ୟାମ’, ‘ସର୍କସ’, ‘କିସି କା ଭାଇ କିସି କି ଜାନ୍’ ଭଳି ହିନ୍ଦୀ ଫିଲ୍ମରେ ନଜରକୁ ଆସିଥିବାବେଳେ ଆଗକୁ ରୋମାଣ୍ଟିକ୍ ଥ୍ରିଲର ‘ଦେବା’ରେ ନଜର ଆସିବାକୁ ଯାଉଛନ୍ତି। ଏଥିରେ ସେ ଅଭିନେତା ଶାହିଦ କପୁରଙ୍କ ନାୟିକା ଭାବେ ନଜରକୁ ଆସିବେ। ନିକଟରେ ଏ ସମ୍ପର୍କରେ ଦେଇଥିବା ସାକ୍ଷାତକାରରେ ପୂଜା କହିଛନ୍ତି, ‘ଦେବା’ ଏକ ବହୁତ ଭଲ ପ୍ରୋଜେକ୍ଟ। ଏହାର କାହାଣୀ ବିଲ୍କୁଲ ନିଆରା। ଏଥିରେ ଆକ୍ସନ୍, ଡ୍ରାମାର ଏକ ଜବରଦସ୍ତ ସମ୍ମିଶ୍ରଣ ଦେଖିବାକୁ ମିଳିବ, ଯାହା ଦର୍ଶକଙ୍କୁ ପ୍ରଥମରୁ ଶେଷ ଯାଏ ବାନ୍ଧି ରଖିବ। ଏଥିରେ ପୂଜାଙ୍କୁ ଏକ ଦମ୍ଦାର ଭୂମିକାରେ ଦେଖିବାକୁ ମିଳିବ। ଶାହିଦଙ୍କ ସହ ଏହା ପୂଜାଙ୍କ ପ୍ରଥମ ଫିଲ୍ମ ହୋଇଥିବାବେଳେ ଦର୍ଶକ ତାଙ୍କ ଯୋଡିକୁ ବେଶ୍ ପସନ୍ଦ କରିବେ ବୋଲି ସେ ଆଶାବାଦୀ ଅଛନ୍ତି। ରୋଶନ ଆଣ୍ଡ୍ରୁଜ୍ ଏହି ଫିଲ୍ମରେ ନିର୍ଦ୍ଦେଶନା ଦେଉଥିବାବେଳେ ସିଦ୍ଧାର୍ଥ ରୟ କପୁର ପ୍ରଯୋଜନା ଦାୟିତ୍ୱ ସମ୍ଭାଳୁଛନ୍ତି। ଫିଲ୍ମରେ ଶାହିଦ ଜଣେ ପୋଲିସ ଅଧିକାରୀ ଭୂମିକାରେ ନଜରକୁ ଆସିବେ। ଏନେଇ ଶାହିଦଙ୍କ ପ୍ରଥମ ଲୁକ୍ ସାମ୍ନାକୁ ଆସିଛି। ଫିଲ୍ମ ଆସନ୍ତା ବର୍ଷ ମୁକ୍ତିଲାଭ କରିବ।
