ନୂଆଦିଲ୍ଲୀ,୪।୩: ଗ୍ରାହକଙ୍କୁ ଚେକ୍ର ନକଲି ପେମେଣ୍ଟରୁ ରକ୍ଷା କରିବା ପାଇଁ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍ବି) ଏକ ନୂତନ ପଦକ୍ଷେପ ନେଇଛି। ବ୍ୟାଙ୍କ ବର୍ତ୍ତମାନ ୫ ଲକ୍ଷରୁ ଅଧିକ ଟଙ୍କା ଚେକ୍ ପେମେଣ୍ଟ ପାଇଁ ପଜିଟିଭ ପେ’ ସିଷ୍ଟମ (ପିପିଏସ୍) ବାଧ୍ୟତାମୂଳକ କରିବାକୁ ଘୋଷଣା କରିଛି। ଏହି ନିୟମ ଏପ୍ରିଲ ୫, ୨୦୨୩ ରୁ କାର୍ଯ୍ୟକାରୀ ହେବ। ଏହାପୂର୍ବରୁ ପିପିଏସ୍ରେ ଚେକ୍ ଜମା କରିବାର ଆବଶ୍ୟକତା ୧୦ ଲକ୍ଷରୁ ଅଧିକ ଥିଲା।
ପିପିଏସ୍ ହେଉଛି ନ୍ୟାଶନାଲ ପେମେଣ୍ଟ କର୍ପୋରେଶନ ଅଫ ଇଣ୍ଡିଆ(ଏନ୍ପିସିଆଇ) ଦ୍ୱାରା ବିକଶିତ ଏକ ସିଷ୍ଟମ୍, ଯେଉଁଥିପାଇଁ ଗ୍ରାହକଙ୍କୁ ଏକ ନିର୍ଦ୍ଦିଷ୍ଟ ପରିମାଣ ପାଇଁ ଚେକ ପ୍ରଦାନ କରିବା ସମୟରେ ଆକାଉଣ୍ଟ ନମ୍ବର, ଚେକ ନମ୍ବର, ଚେକ୍ ଆଲଫା କୋଡ୍, ଇସ୍ୟୁ ତାରିଖ, ପରିମାଣ ଏବଂ ହିତାଧିକାରୀ ନାମ ଭଳି ଆବଶ୍ୟକୀୟ ସୂଚନା ଅନ୍ତର୍ଭୂକ୍ତ କରାଯାଇଥାଏ। ଗ୍ରାହକମାନେ ଶାଖା କାର୍ଯ୍ୟାଳୟ, ଅନ୍ଲାଇନ ବ୍ୟାଙ୍କିଙ୍ଗ, ମୋବାଇଲ ବ୍ୟାଙ୍କିଂ(ପିଏନ୍ବି ଓ୍ବାନ୍), କିମ୍ବା ଏନ୍ଏମ୍ଏସ୍ ବ୍ୟାଙ୍କିଂରେ ଚେକ୍ ବିବରଣୀ ପ୍ରଦାନ କରି ପିପିଏସ୍କୁ ପ୍ରବେଶ କରିପାରିବେ।
ରିଜର୍ଭ ବ୍ୟାଙ୍କ ଅଫ ଇଣ୍ଡିଆ(ଆର୍ବିଆଇ) ଗାଇଡ୍ଲାଇନ୍ ଅନୁଯାୟୀ, ଜାନୁଆରୀ ୧, ୨୦୨୧ରୁ ପିଏନ୍ବି ସିଟିଏସ୍ ଫର୍ମରେ ୫୦,୦୦୦ ଟଙ୍କା ଏବଂ ତଦୁର୍ଦ୍ଧ୍ୱ ଚେକ୍ ପାଇଁ ପିପିଏସ୍ ସିଷ୍ଟମ ଆଣିଥିଲା। ୫ ଲକ୍ଷ ଟଙ୍କା ଏବଂ ତଦୁର୍ଦ୍ଧ୍ୱ ଚେକ୍ ପାଇଁ ଏହା ବାଧ୍ୟତାମୂଳକ ।
