ନୂଆଦିଲ୍ଲୀ,୧୦।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ‘ପରୀକ୍ଷା ପେ ଚର୍ଚ୍ଚା ୨୦୨୫’ କାର୍ଯ୍ୟକ୍ରମ ସକାଳ ୧୧ଟାରେ ଆରମ୍ଭ ହୋଇଛି। ଏହା ପରୀକ୍ଷା ପେ ଚର୍ଚ୍ଚାର ଅଷ୍ଟମ ସଂସ୍କରଣ। ପ୍ରଧାନମନ୍ତ୍ରୀଙ୍କ ଏହି ଆଲୋଚନା କାର୍ଯ୍ୟକ୍ରମ ଶିକ୍ଷା ବିଭାଗ ଦ୍ୱାରା ସ୍କୁଲଗୁଡ଼ିକରେ ସିଧା ପ୍ରସାରଣ କରାଯାଇଛି। ଏହି କାର୍ଯ୍ୟକ୍ରମରେ, ଛାତ୍ରଛାତ୍ରୀମାନେ ପ୍ରଧାନମନ୍ତ୍ରୀ ମୋଦିଙ୍କ ସହିତ ଅନ୍ୟ ସେଲିବ୍ରିଟିମାନଙ୍କଠାରୁ ଭଲ ଅଧ୍ୟୟନ ଟିପ୍ସ ପାଇଛନ୍ତି।
ଏଥର ପ୍ରଧାନମନ୍ତ୍ରୀ ମୋଦି ଛାତ୍ରୀଛାତ୍ରମାନଙ୍କୁ ଡିପ୍ରେସନ ବିରୋଧରେ ଲଢ଼ିବା ପାଇଁ ଗୁରୁ ମନ୍ତ୍ର ଦେଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡିପ୍ରେସନ ବିରୋଧରେ ଲଢ଼ିବା ପାଇଁ ଘରର ସମସ୍ତ ସଦସ୍ୟଙ୍କ ସହିତ ନିରନ୍ତର ଆଲୋଚନା କରିବାକୁ ପରାମର୍ଶ ଦେଇଛନ୍ତି। ପ୍ରଧାନମନ୍ତ୍ରୀ କହିଥିଲେ ଯେ ପ୍ରାୟତଃ ଯେତେବେଳେ ପିଲାମାନେ ବଡ଼ ହୁଅନ୍ତି, ସେମାନେ ସେମାନଙ୍କ ମାତାପିତାଙ୍କଠାରୁ ଜିନିଷ ଲୁଚାଇବା ଆରମ୍ଭ କରନ୍ତି, ସେମାନଙ୍କୁ ଏହା କରିବା ଉଚିତ ନୁହେଁ ଏବଂ ସେମାନଙ୍କର ଜିନିଷଗୁଡ଼ିକୁ ବାଣ୍ଟି ରଖିବା ଉଚିତ ଯାହା ଦ୍ୱାରା ସେମାନେ କେବେ ବି ଡିପ୍ରେସନର ଶିକାର ହେବେ ନାହିଁ।
ଏକ ଉପାଖ୍ୟାନ ବାଣ୍ଟି ପ୍ରଧାନମନ୍ତ୍ରୀ ମୋଦି କହିଥିଲେ ଯେ ପ୍ରତ୍ୟେକ ଛାତ୍ରଙ୍କ ନିକଟରେ ଏକ ବିଶେଷ ପ୍ରତିଭା ଥାଏ। ପାଠପଢ଼ାରେ ଦୁର୍ବଳ ଛାତ୍ରମାନଙ୍କ ମଧ୍ୟରେ ଅନ୍ୟ କୌଣସି ଲୁକ୍କାୟିତ ପ୍ରତିଭା ଥାଇପାରେ। ଶିକ୍ଷକମାନଙ୍କୁ ସେହି ପ୍ରତିଭାକୁ ଚିହ୍ନି ପ୍ରୋତ୍ସାହିତ କରିବାକୁ ପଡିବ।
ପ୍ରଧାନମନ୍ତ୍ରୀ ପିଲାମାନଙ୍କୁ ପୁସ୍ତକ ପୋକ ବା କିତାବ କା କିଡା ନ ହେବାକୁ ପରାମର୍ଶ ଦେଇଛନ୍ତି। ସେ ପିଲାମାନଙ୍କୁ କହିଥିଲେ ଯେ ସେମାନେ ପଢ଼ିବା ଉଚିତ କିନ୍ତୁ ପୁସ୍ତକ ପୋକ ହେବା ଉଚିତ ନୁହେଁ। ତୁମକୁ ଯାହା ପସନ୍ଦ, ତାହା ପ୍ରତି ଆଗ୍ରହ ଦେଖାଅ ଏବଂ ଆଗକୁ ବଢ଼।
