ମୁମ୍ବାଇ: ଆପଣ ନିଶ୍ଚିତ ଭାବରେ ଫିଲ୍ମ ‘ଫୁଲ୍ ଔର୍ କାଣ୍ଟେ’କୁ ମନେ ରଖିଥିବେ। ୧୯୯୧ରେ ଫିଲ୍ମଟି ରିଲିଜ ହୋଇଥିଲା। ଏଥିରେ ଅଜୟ ଦେବଗନ ମୁଖ୍ୟ ଭୂମିକାରେ ଅଭିନୟ କରିଥିଲେ। ସେହିପରି ତାଙ୍କ ବିପକ୍ଷରେ ନାୟିକା ମଧୁ ଅଭିନୟ କରିଥିଲେ। କୁହାଯାଏ, ଏହି ଫିଲ୍ମ ହିଁ ଅଜୟଙ୍କୁ ମାଇଲେଜ ଦେଇଥିଲା। ଅଜୟ ଏବେ ବି ଫିଲ୍ମରେ ଅଭିନୟ ଜାରି ରଖିଛନ୍ତି। ମାତ୍ର ଅନିନେତ୍ରୀ ମଧୁ ଶାହା ଫିଲ୍ମଠାରୁ ଦୂରେଇ ଯାଇଛନ୍ତି। ଫିଲ୍ମଠୁ ମଧୁ ଦୂରେଇ ଯାଇଛନ୍ତି ସତ ମାତ୍ର ସୋସିଆଲ ମିଡିଆରେ ଏବେ କିଛି ନୂଆ ଫଟୋ ଶେୟାର କରିଛନ୍ତି। ଯେଉଁଥିରେ ତାଙ୍କୁ ଚିହ୍ନିବା କଷ୍ଟକର ହୋଇପଡ଼ିଛି।
ମଧୁ ବିଦେଶ ରାସ୍ତାରେ ବୁଲୁଥିବା ନଜର ଆସିଛନ୍ତି। ତାଙ୍କ ଲୁକ୍ ବେଶ୍ ଷ୍ଟାଇଲିଶ ହୋଇଛି। ଫଟୋରେ ସେ ଏକ ଓଭରକୋଟ୍ ଏବଂ କଳା ଚଷମା ପିନ୍ଧିଛନ୍ତି। ମଧୁଙ୍କ ହସ ଦେଖି ପ୍ରଶଂସକମାନେ ମଧ୍ୟ ହସିଛନ୍ତି। ଫଟୋରେ ବଲିଉଡ୍ ଅଭିନେତ୍ରୀ ମନୀଷା କୋଇରାଲା ଲେଖିଛନ୍ତି, ଲଭ୍ ଲୁକ୍।
‘ଫୁଲ୍ ଔର୍ କାଣ୍ଟେ’ ପରେ ମଧୁ ରୋଜା, ଦିଲ୍ଜଲେ, ଜେଣ୍ଟିଲ୍ ମ୍ୟାନ୍, ଯୋଦ୍ଧା ଆଦିରେ ନଜର ଆସିଥିଲେ। ଯେଉଁଥିପାଇଁ ଲୋକମାନେ ତାଙ୍କ କାମକୁ ବହୁତ ପସନ୍ଦ କରିଥିଲେ। ଏହି ଅଭିନେତ୍ରୀଙ୍କୁ ଶେଷଥର ପାଇଁ କଙ୍ଗନା ରାଣାଓ୍ବତ୍ଙ୍କ ଫିଲ୍ମ ‘ଥଲାଇଭ୍’ରେ ଦେଖିବାକୁ ମିଳିଥିଲା। ଏହା ସହିତ ମଧୁ କିଛି ଛୋଟ ଫିଲ୍ମରେ ମଧ୍ୟ ଅଭିନୟ କରିଛନ୍ତି।
