ନୂଆଦିଲ୍ଲୀ, ୨୩।୪: ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦରରେ ଆଜି କୌଣସି ପରିବର୍ତ୍ତନ ହୋଇନାହିଁ। ଓ୍ବେଷ୍ଟ ଟେକ୍ସାସ ଇଣ୍ଟରମିଡିଏଟ୍ ଅଶୋଧିତ ତେଲ ବ୍ୟାରେଲ ପିଛା ୭୭.୮୭ ଡଲାରରେ ଟ୍ରେଡ୍ କରୁଛି। ଏହି ସମୟରେ ବ୍ରେଣ୍ଟ ଅଶୋଧିତ ତୈଳ ୮୧.୬୬ ଡଲାରରେ ଟ୍ରେଡ କରୁଛି। ଦେଶର ଅଶୋଧିତ ତୈଳ କମ୍ପାନୀଗୁଡିକ ପେଟ୍ରୋଲ ଏବଂ ଡିଜେଲର ନୂଆ ଦର କରିଛନ୍ତି। ଭାରତରେ ପ୍ରତିଦିନ ସକାଳେ ୬ଟିି ଇନ୍ଧନର ଦରକୁ ସଂଶୋଧନ କରାଯାଇଥାଏ।
ରବିବାର ବିହାରରେ ପେଟ୍ରୋଲ ୪୯ ପଇସା ଏବଂ ଡିଜେଲ ୪୬ ପଇସା ମହଙ୍ଗା ହୋଇଛି। ମହାରାଷ୍ଟ୍ରରେ ପେଟ୍ରୋଲ ଦର ୭୨ ପଇସା ଏବଂ ଡିଜେଲ ୭୦ ପଇସା ବଢିଛି। ଶନିବାର ତୁଳନାରେ ରବିବାର ପଞ୍ଜାବରେ ପେଟ୍ରୋଲ ୩୧ ପଇସା ଏବଂ ଡିଜେଲ ୩୦ ପଇସା ଅଧିକ ଦରରେ ବିକ୍ରି ହେଉଛି। ରାଜସ୍ଥାନରେ ପେଟ୍ରୋଲ ଏବଂ ଡିଜେଲ ଯଥାକ୍ରମେ ୪୭ ପଇସା ଏବଂ ୪୩ ପଇସା ମହଙ୍ଗା ହୋଇଛି।
କେତେକ ରାଜ୍ୟରେ ଅଶୋଧିତ ତୈଳ ଦରରେ ହ୍ରାସ ମଧ୍ୟ ଦେଖିବାକୁ ମିଳିଛି। ହିମାଚଳରେ ପେଟ୍ରୋଲ ୬୮ ପଇସା ଏବଂ ଡିଜେଲ ୬୦ ପଇସା ଶସ୍ତା ହୋଇଛି। ହରିୟାଣାରେ ମଧ୍ୟ ପେଟ୍ରୋଲ ୨୩ ପଇସା ଏବଂ ଡିଜେଲ ୨୨ ପଇସା ହ୍ରାସ ପାଇଛି। ମଧ୍ୟପ୍ରଦେଶ ଏବଂ କୋଲକାତାରେ ମଧ୍ୟ ଇନ୍ଧନ ଶସ୍ତା ହୋଇଛି। ଚେନ୍ନାଇରେ ପେଟ୍ରୋଲ ଏବଂ ଡିଜେଲ ଦରରେ ସାମାନ୍ୟ ହ୍ରାସ ଘଟିଛି।
ନୂଆଦିଲ୍ଲୀରେ ପେଟ୍ରୋଲ ଦର ୯୬.୭୨ ଟଙ୍କା ଏବଂ ଡିଜେଲ ଲିଟର ପିଛା ୮୯.୬୨ ଟଙ୍କା ରହିଥିବାବେଳେ ମୁମ୍ବାଇରେ ପେଟ୍ରୋଲ ଦର ୧୦୬.୩୧ ଟଙ୍କା ଏବଂ ଡିଜେଲ ଲିଟର ପିଛା ୯୪.୨୭ ଟଙ୍କା ରହିଛି। କୋଲକାତାରେ ଲିଟର ପିଛା ପେଟ୍ରୋଲ ୧୦୬.୦୩ ଟଙ୍କା ଏବଂ ଡିଜେଲ ୯୨.୭୬ ଟଙ୍କାରେ ମିଳୁଥିବାବେଳେ ଚେନ୍ନାଇରେ ପେଟ୍ରୋଲ ୧୦୨.୭୩ ଟଙ୍କା ଏବଂ ଡିଜେଲ ଲିଟର ପିଛା ୯୪.୩୩ ଟଙ୍କାରେ ମିଳୁଛି।
ନଏଡାରେ ପେଟ୍ରୋଲ ୯୬.୫୯ଟଙ୍କା ଏବଂ ଡିଜେଲ ଲିଟର ପିଛା ୮୯.୭୬ଟଙ୍କା ନୂଆ ଦର ଲାଗୁ ହୋଇଥିବାବେଳେ ଗାଜିଆବାଦରେ ପେଟ୍ରୋଲ ୯୬.୨୬ଟଙ୍କା ଏବଂ ଡିଜେଲ ଲିଟର ପିଛା ୮୯.୪୫ଟଙ୍କା ଲାଗୁ ହୋଇଛି। ସେହିପରେ ଲକ୍ଷ୍ମୈାରେ ପେଟ୍ରୋଲ ୯୬.୩୫ ଟଙ୍କା ଏବଂ ଡିଜେଲ ଲିଟର ପିଛା ୮୯.୫୫ ଟଙ୍କା ହେବ ବୋଲି ଜାରି ହୋଇଛି। ପାଟନାରେ ପେଟ୍ରୋଲ ୧୦୭.୫୯ଟଙ୍କା ଏବଂ ଡିଜେଲ ଲିଟର ପିଛା ୯୪.୩୬ଟଙ୍କା ହୋଇଛି। ପୋର୍ଟ ବ୍ଲେୟାରରେ ପେଟ୍ରୋଲ ଦର ୮୪.୧୦ଟଙ୍କା ଏବଂ ଡିଜେଲ ଲିଟର ପିଛା ୭୯.୭୪ ଟଙ୍କା ଜାରି ହୋଇଛି। ତେବେ ପେଟ୍ରୋଲ ଏବଂ ଡିଜେଲ ଦରରେ ଏକ୍ସାଇଜ ଡ୍ୟୁଟି, ଡିଲର କମିଶନ, ଭାଟ୍ ଏବଂ ଅନ୍ୟାନ୍ୟ ଜିନିଷ ଯୋଡିବା ପରେ ଏହାର ଦର ମୂଳ ଦରଠାରୁ ପ୍ରାୟ ଦୁଇଗୁଣା ବଢିଯାଏ।
