ନୂଆଦିଲ୍ଲୀ,୧୭।୭: ଆପଲ୍ ଇଙ୍କ୍ର ଆସେମ୍ବଲ ପାର୍ଟନର ପେଗାଟ୍ରନ କର୍ପୋରେଶନ ଭାରତରେ ଏହାର ପ୍ରଥମ ପ୍ଲାଣ୍ଟ ସ୍ଥାପନ କରିବ। ଏ ନେଇ କମ୍ପାନୀ ବର୍ତ୍ତମାନ ଯୋଜନା ଧାର୍ଯ୍ୟ କରିଛି। ଟେକ୍ନୋଲୋଜି କମ୍ପାନୀଙ୍କୁ ଆକୃଷ୍ଟ କରିବା ଲାଗି ଭାରତ ସରକାର ୬.୬ ବିଲିୟନ ଡଲାରର ଏକ ପାଣ୍ଠି ଘୋଷଣା କରିଛନ୍ତିି। ବିଶ୍ୱର ପ୍ରମୁଖ ସ୍ମାର୍ଟଫୋନ ମାନୁଫାକଚରଙ୍କୁ ଆର୍ଥତ୍କ ପ୍ରୋତ୍ସାହନ ପ୍ରଦାନ ଦିଗରେ ଏହି ଅର୍ଥ ପ୍ରଦାନ କରାଯିବ। ରେଡି ଟୁ ୟୁଜ୍ ମାନୁଫାକଚରିଂ କ୍ଲଷ୍ଟର ବସାଇବା ଦିଗରେ ଏହି ପ୍ରୋତ୍ସାହନ ରାଶି ଯୋଗାଇ ଦିଆଯିବ। ପେଗାଟ୍ରନ ଆପଲକୁ ଆଇଫୋନ ଯୋଗାଣ କ୍ଷେତ୍ରରେ ଦ୍ୱିତୀୟ ବଡ଼ କମ୍ପାନୀ। ପେଗାଟ୍ରନର ନିବେଶ ନେଇ ବ୍ଲୁମ୍ବର୍ଗ ପକ୍ଷରୁ ଏକ ରିପୋର୍ଟ ପ୍ରକାଶ ପାଇଛି। ଫକ୍ସକନ ଟେକ୍ନୋଲୋଜି ଏବଂ ଓ୍ବିଷ୍ଟ୍ରନ କର୍ପୋରେଶନ ଭାରତରେ ଆଇଫୋନ ହ୍ୟାଣ୍ଡସେଟ୍ ନିର୍ମାଣ କରୁଛି। ପେଗାଟ୍ରନ ଭାରତ ଆସିଲେ ସ୍ଥାନୀୟ କମ୍ପାନୀଙ୍କ ସହ ମିଳିତ ହୋଇ କାମ କରିବ ବୋଲି ଜଣାପଡିଛି।
