ଝାରସୁଗୁଡ଼ା ଅଫିସ୍,୨୭।୬ ରଥଯାତ୍ରା ସୁପରିଚାଳନା ପାଇଁ ଲଖନପୁର ଥାନା ପରିସରରେ ଆଇଆଇସି ଦୁଃଖିନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଏକ ଶାନ୍ତିକମିଟି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଥାନା ଅଞ୍ଚଳର ବିଭିନ୍ନ ରଥଯାତ୍ରା କମିଟି କର୍ମକର୍ତ୍ତା, ଆମ ପୋଲିସ ସମିତି ସଦସ୍ୟ ଓ ସ୍ଥାନୀୟ ଜନପ୍ରତିନିଧି ଯୋଗଦେଇଥିଲେ। ଅଞ୍ଚଳରେ ହେଉଥିବା ରଥଯାତ୍ରା କିଭଳି ଶାନ୍ତିଶୃଙ୍ଖଳା ସହ ପରିଚାଳିତ ହେବ ସେନେଇ ଅଲୋଚନା ହୋଇଥିଲା। ଏହି ଅବସରରେ ଗ୍ରାମବାସୀଙ୍କୁ ନେଇ ଏକ ଶାନ୍ତି କମିଟି ଗଠନ କରାଯାଇଛି। ଏଥିରେ ୧୪ ଗ୍ରାମରୁ ସଭାପତି ଓ ସମ୍ପାଦକ ମନୋନୀତ କରାଯାଇଛି। ବୈଠକରେ ଆଇଆଇସି ସାହୁ, ଏସ୍ଆଇ ଗଣେଶ ରାମ ସା, କୁଶ୍ରାଲୋଇ ସରପଞ୍ଚ ରଘୁମଣି ପ୍ରଧାନ, ସଞ୍ଜୀବ ସାହୁ, ଟଙ୍କଧର ପ୍ରଧାନ, ଅମିନ ଖାନ୍, ଅଲେଖରାମ ସାହୁ, ନରୋତ୍ତମ ପ୍ରଧାନ ଓ ପ୍ରଫୁଲ ସା ପ୍ରମୁଖ ଉପସ୍ଥିତ ଥିଲେ।
