ଭୁବନେଶ୍ୱର,୨୨।୧୦: ଦେଶର ପ୍ରମୁଖ ଡିଜିଟାଲ ଇକୋସିଷ୍ଟମ ପେଟିଏମ ନିକଟରେ ଏହାର ପାର୍ବଣ ଅଫର ସମ୍ପର୍କରେ ଘୋଷଣା କରିଛି। କମ୍ପାନୀ ପାର୍ବଣ ଅବସରରେ ୧୦୦ କୋଟିର ମାର୍କେଟିଂ କ୍ୟାମ୍ପନେ ତା’ର ପାର୍ଟନରମାନଙ୍କ ଜରିଆରେ କରିବ ବୋଲି ଜଣାପଡିଛି। କମ୍ପାନୀ ଚଳିତ ପାର୍ବଣରେ ପେ ଟିଏମ କ୍ୟାଶବ୍ୟାକ ଧାମାକା ନାମରେ ଫେଷ୍ଟିଭାଲ ଅଫରର ସୁବିଧା ଆରମ୍ଭ କରିଛି। ଏହି ସୁବିଧା ୧୪ ଅକ୍ଟୋବରରୁ ଆରମ୍ଭ ହୋଇଯାଇଛି। ଏହା ଜରିଆରେ ୟୁଜର ମନି ଟ୍ରାନ୍ସଫର ସାଙ୍ଗକୁ ଅନଲଶଇନ ଓ ଅଫଲାଇନ ପେମେଣ୍ଟ କିମ୍ବା ଆପ ଜରିଆରେ ରିଚ୍ଚାର୍ଜ ଆଦିରେ କ୍ୟାଶବ୍ୟାକ ସୁବିଧା ପାଇପାରିବେ ବୋଲି ସୂଚନା ମିଳିଛି। ଦେଶର ସମସ୍ତ ଜିଲାରେ ଏହି ଅଫର ଓ ସୁବିଧା ଉପଲବ୍ଧ ରହିଛି। ତେବେ ଏହି ଅଫର ଗୁଜୁରାଟ, ମହାରାଷ୍ଟ୍ର, ଆନ୍ଧ୍ରପ୍ରଦେଶ, ତେଲଙ୍ଗାନା ଏବଂ କର୍ଣ୍ଣାଟକ ଭଳି ରାଜ୍ୟ ପାଇଁ କମ୍ପାନୀସ୍ବତନ୍ତ୍ର ଫୋକସ ଦେଉଥିବା ଏହାର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି। ଏହି ଅଫର ୧୪ ଅକ୍ଟୋବରରୁ ୧୪ ନଭେମ୍ବର ପର୍ଯ୍ୟନ୍ତ ରହିବ। ଏହି ଅଫର ମାଧ୍ୟମରେ ପ୍ରତି ଦିନ ୧୦ ଭାଗ୍ୟଶାଳୀ ବିଜେତାଙ୍କୁ ୧ ଲକ୍ଷ ଟଙ୍କା ପୁରସ୍କାର ସ୍ବରୂପ ମିଳିବ ବୋଲି ଜଣାପଡିଛି। ସେହିଭଳି ୧୦ ହଜାର ବିଜେତା ୧୦୦ଟଙ୍କାର କ୍ୟାଶବ୍ୟାକ ଏବଂ ଆଉ ଦଶ ହଜାର ୟୁଜର୍ସ ୫୦ଟଙ୍କା ଲେଖାଏ କ୍ୟାଶବ୍ୟାକର ବିଜେତା ହୋଇପାରିବେ। ସେହିପରି ନଭେମ୍ବର ୧ରୁ ୩ ତାରିଖ ମଧ୍ୟରେ ୟୁଜରମାନେ ପ୍ରତିଦିନ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ପୁରସ୍କାର ଜିତିବାର ସୁଯୋଗ ରହିଛି। ଅପରପକ୍ଷରେ ପେଟିଏମ ବ୍ୟବହାରକାରୀମାନେ ମଧ୍ୟ ଆଇଫୋନ-୧୩, ୨୦-୨୦ ବିଶ୍ୱକପ ଟିକଟ, ଲାଭାଇସ ଭଲି ବ୍ରାଣ୍ଡର ଭାଉଚର ସମେତ ଅନେକ କିଛି ପୁରସ୍କାର ଜିତିବାର ସୁଯୋଗ ରହିଛି ବୋଲି କମ୍ପାନୀ ପକ୍ଷରୁ କୁହାଯାଇଛି।
