ନୂଆଦିଲ୍ଲୀ,୧।୩: ଚାଲିଥିବା ସଙ୍କଟ ମଧ୍ୟରେ ଫିଣ୍ଟେକ କମ୍ପାନୀ ପେଟିଏମ ଏକ ବଡ଼ ପଦକ୍ଷେପ ନେଇଛି। ପେଟିଏମର ପ୍ୟାରେଣ୍ଟ କମ୍ପାନୀ ଓ୍ବାନ୯୭ କମ୍ୟୁନିକେଶନ ବିବାଦରେ ଫସିଥିବା ପେଟିଏମ ପେମେଣ୍ଟ ବ୍ୟାଙ୍କ ଠାରୁ ଏହାର ଦୂରତା ବୃଦ୍ଧି କରିଛି। ଏଥିପାଇଁ ଅନେକ ଇଣ୍ଟର- କମ୍ପାନୀ ଚୁକ୍ତିନାମାକୁ ସମାପ୍ତ କରିଦିଆଯାଇଛି ।
ପେଟିଏମର ପ୍ରତିଷ୍ଠାତା ବିଜୟ ଶେଖର ଶର୍ମା ଶୁକ୍ରବାର ସକାଳେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସର ଏକ ଅପଡେଟରେ ଏହି ସୂଚନା ଦେଇଛନ୍ତି। ସେ କହିଛନ୍ତି, ପେଟିଏମ ଏବଂ ପିପିବିଏଲ (ପେଟିଏମ ପେମେଣ୍ଟସ ବ୍ୟାଙ୍କ ଲିମିଟେଡ) ର ଅଂଶୀଦାରମାନେ ବିଭିନ୍ନ ଇଣ୍ଟର- କମ୍ପାନୀ ଚୁକ୍ତିନାମା ବନ୍ଦ କରିବାକୁ ରାଜି ହୋଇଛନ୍ତି।
