ଖୋର୍ଦ୍ଧା,୨।୧୦(ପ୍ରଭାତ ପାଣିଗ୍ରାହୀ): ଖୋର୍ଦ୍ଧା ବୋଲଗଡ଼ ଗୋପବନ୍ଧୁ ଛକରେ ଏକ ବଡ଼ ଦୁର୍ଘଟଣା ଘଟିଛି। ଏକ ଯାତ୍ରୀବାହୀ ବସ୍ ଗଛରେ ପିଟି ହୋଇ ୫ ଗୁରୁତର ହୋଇଥିବା ବେଳେ ୧୦ରୁ ଊର୍ଦ୍ଧ୍ୱ ଆହତ ହୋଇଛନ୍ତି।
ସୂଚନାଯୋଗ୍ୟ, ଘରୋଇ ବସ୍ (ନାରାୟଣୀ) ଏକ ଗାଡିକୁ ଓଭର ଟେକ କରୁଥିବା ବେଳେ ପତା କଟି ଯିବାରୁ ଦୁର୍ଘଟଣା ଘଟିଥିବା ସୂଚନା ମିଳିଛି। ବସ୍ର ଡ୍ରାଇଭର ସମେତ ୫ ଗୁରୁତର ହୋଇଛନ୍ତି। ବସ୍ରେ ୪୫ରୁ ଊର୍ଦ୍ଧ୍ୱ ଯାତ୍ରୀ ଭୁବନେଶ୍ୱରରୁ ନୟାଗଡ଼କୁ ଯାଉଥିଲେ। ବୋଲଗଡ଼ ତହସିଲ ଅଫିସ ଛକ ନିକଟ ଗୋପବନ୍ଧୁ ଛକରେ ଏହି ଦୁର୍ଘଟଣା ଘଟିଛି। ସମସ୍ତ ଆହତ ସ୍ଥାନୀୟ ଲୋକଙ୍କ ସହାୟତାରେ ବୋଲଗଡ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି ଘଟଣାସ୍ଥଳରେ ବୋଲଗଡ଼ ପୋଲିସ ପହଞ୍ଚି ତଦନ୍ତ ଚଳାଇଛି।
